ლეილა გაგნიძის იტალიური სამზარეულო - რიზოტო გოგრით

exclusivetv.ge-ს მკითხველს, იტალიაში მცხოვრები ქართველი ემიგრანტი, ლეილა გაგნიძე იტალიური სამზარეულოს ერთ-ერთი კერძის, რიზოტო გოგრით - Risotto alla Zucca,  მომზადების წესს უზიარებს.

 მაშ ასე, მოვიმარაგოთ შემდეგი პროდუქტი:

- 500 გრ. გოგრა

- 350 გრ. ბრინჯი

- 1 ცალი საშუალო ზომის ხახვი

- ნახევარი ჭიქა თეთრი ღვინო

- ზეითუნის ზეთი

- 50 გრ. კარაქი

- მარილი, ბოსტნეულის ნახარში ან სპეციალური კუბიკი, დაპრესილი ბოსტნეულის შემცველი (დადო, გალინა ბლანკა )

- შავი პილპილი

- 50 გრ. გახეხილი ყველი

წვრილად დაჭრილი ხახვი ზეთში მოვშუშოთ. ჩავამატოთ გასუფთავებული, კანგაცლილი და პატარა კუბიკებად დაჭრილი გოგრა. ცალკე ავადუღოთ ბოსტნეულის ბულიონი. მანამ გოგრა იშუშება ცხიმში და ხახვში, გავაცხელოთ  ტაფა და რამდენიმე წუთის მანძილზე ბრინჯი მოვხალოთ. გოგრას ჩავამატოთ ღვინო, და ცოტა ხნის შემდეგ, ცოტა ბოსტნეულის ნახარში გავაგრძელოთ ხარშვა. შემდეგ ჩავამატოთ ბრინჯი, დავასხათ ბულიონი (ბოსტნეულის ნახარში). გავაგრძელოთ სადილის მომზადება, სანამ ბრინჯი არ მოიხარშება. ბოლოს, გემოვნების მიხედვით ვუყოთ მარილით. დავამატოთ კარაქი და გახეხილი ყველი. უგემრიელესი სადილიც მზად არის.

პ.ს. პილპილს არ ვამატებ ქვაბში, ვისაც სურს თავის ულუფას უყოს. მოამზადეთ და მიირთვით განსხვავებული სადილი. მე მგონი რომ კმაყოფილები დარჩებით, თუმცაღა გემოვნებაზე არ დაობენ.