ქვეყნების სია საიდანაც იტალიაში ყველაზე მეტი მიგრანტი ჩავიდა

მიგრანტების რაოდენობა იტალიაში:

იტალიაში ერთი წლის განმავლობაში,  მიგრანტთა შესვლა 40%-ით გაიზარდა, რეპატრიაციები შემცირდა, ხოლო  თავშესაფარი მოითხოვა 72,423 მიგრანტმა. 2022 წელს იტალიაში 1,7 მილიონმა პირმა მიიღო ბინადრობის ნებართვა და თითქმის 130,000-მა მოქალაქეობა.

მიმდინარე წლის 1 იანვრიდან 11 აგვისტოს ჩათვლით იტალიის სანაპიროებზე 45 764 მიგრანტი დაეშვა, რაც 40,3%-ით მეტია გასული წლის ანალოგიურ პერიოდთან შედარებით. ასევე 6 070 უცხოელი არასრულწლოვანია (+ 8,3%), ხოლო დაკავებულია 137 კონტრაბანდისტი (+ 41,2%).

ინფორმაციას ამის შესახებ იტალიის საზოგადოებრივი წესრიგისა და უსაფრთხოების ეროვნული კომიტეტი ავრცელებს.

მიგრანტების ნახევარი დამოუკიდებლად ჩამოვიდა.

ასეთია იმ ქვეყნების სია, საიდანაც მიგრანტები იტალიაში ჩადიან: ლიბია (24,809), ტუნისი (12,536), თურქეთი (7,039), ალჟირი (620) და ლიბანი (595). რაც შეეხება შემოსვლის დროს დასახელებულ ეროვნებას, ასეთია: 20,5% არის ტუნისიდან, 19,3% ეგვიპტიდან, 16,7% ბანგლადეშიდან, 7,8% ავღანეთიდან, 6,2% სირიიდან, 4% სპილოს ძვლის სანაპიროდან, 3,2% ერიტრეიდან. 2021 წლის აგვისტოდან მიმდინარე წლის ივლისამდე, ეთიოპიიდან, იორდანიიდან, ლიბანიდან, ნიგერიიდან, ირანიდან და პაკისტანიდან „ჰუმანიტარული დერეფნებით“ 977 მიგრანტი ჩავიდა, 185 მიგრანტი ჰუმანიტარული ევაკუირებით ლიბიიდან და 5 544 ავღანეთიდან ოპერაციით „არწივი“.

იტალიის რეგიონები, რომელიც ყველაზე მეტ მიგრანტს მასპინძლობს, არის ლომბარდია (11%), ემილია-რომანია (10%), პიემონტი (9%), ლაციო (9%) და სიცილია (9%). 

გაცემულია 1,7 მილიონი ბინადრობის ნებართვა

იტალიაში თავშესაფრის მოთხოვნა 2021 წლის 1 აგვისტოდან 2022 წლის 31 ივლისამდე იყო 72,423, 76,4%-ით მეტი, ვიდრე წინა თორმეტი თვის მანძილზე - 41,052. განმცხადებელთა 16,9%-მა მიიღო სპეციალური დაცვა, 16,5%-მა ლტოლვილის სტატუსი, 12,6%-მა დამხმარე დაცვა.

ბინადრობაზე უარი ეთქვა მიგრანტების 40.8%-ს. ბინადრობის ნებართვა გაიცა 1,732,128 მიგრანტზე. ოჯახის გაერთიანების მიზნით გაიცა  644,651 თანხმობა, 555,494 სასწავლო და სპეციალური ნებართვა, 459,632 დაქვემდებარებული სამუშაოს ნებართვა, 72,351 თვითდასაქმების ნებართვა.

გარდა ამისა, 2021 წლის 1 აგვისტოდან 31 ივლისის ჩათვლით, იტალიის მოქალაქეობაზე 129 623 განაცხადი შევიდა, შარშანდელთან შედარებით 45,1%-ით მეტი. 

2022 წელს იტალიიდან 80-ზე მეტი ტერორისტი გააძევეს ან დააკავეს, 146 პირზე განხორციელდა მეთვალყურეობდა.
2021 წლის 1 აგვისტოდან 2022 წლის 31 ივლისამდე იტალიაში ტერორიზმთან ბრძოლის ფრონტზე დააკავეს 10 ექსტრემისტი, რომლებიც მიეკუთვნებოდნენ ანარქისტულ ზონას და 16 პირი დივერსიული მემარჯვენე ტერიტორიიდან. ასევე განხორციელდა 61 გაძევება სახელმწიფო უსაფრთხოების მიზნით და 24 ექსტრემისტის დაკავება. 

აგრეთვე დაგაინტერესებთ:

📌 იტალიაში ანომალიური სიცხე ბრუნდება! სინოპტიკოსების თქმით, მეექვსე ტალღა გაცილებით ხანმოკლე იქნება

📌 ქართველი „ბადანტე“ იტალიაში დახმარებას ითხოვს - ვინ მოიპარა მისი ძვირფასეულობა, ამ დრომდე გაურკვეველია

📌 რომში კაცი, რომელმაც ბანკის გაძარცვის მიზნით 6 მეტრის სიღრმეზე გვირაბი გათხარა, თავისივე გათხრილ გვირაბში გაიჭედა