რეგულაციის თანახმად, ავტობუსების გაჩერებაზე შენარჩუნებული უნდა იყოს დისტანცია

იტალიაში ახალი სასწავლო წელი 15 სექტემბერს დაიწყო. ქვეყანა თეთრი ზონის სტატუს ამ დრომდე ინარჩუნებს, თუმცა რეგულაციების თანახმად, თეთრ ზონებში კვლავ მოქმედებს დისტანციის შენარჩუნების და ნიღბის ტარების ვალდებულება. რეგულაციების თანახმად საზოგადოებრივ ტრანსპორტსა და ავტობუსების გაჩერებაზე, რომლითაც მოსწავლეები სარგებლობენ შენარჩუნებული უნდა იყოს დისტანცია, თუმცა ფოტოზე ასახული რეალობა შორს არის კანონით განსაზღვრული წესებისგან. 

გასულ კვირას, იტალიის ქალაქ კასტელანა გროტეში საზოგადოებრივი ტრანსპორტის გაჩერებაზე თითქმის უმართავი ჩანდა. 

„იმედგაცრუებული მშობლებისგან უამრავი საჩივარი მივიღე, რომლებიც შექმნილი სიტუაციის გამო სერიოზულად იყვნენ შეშფოთებულნი. მშობლები დარწმუნებული უნდა იყვნენ, რომ მათი შვილები უსაფრთხო გარემოში იმყოფებიან. ამიტომ დახმარება პულიის რეგიონის, ტრანსპორტის მენეჯმენტზე პასუხისმგებელ სამსახურს ვთხოვე, რომელიც პასუხისმგებელია განახორციელოს საჭირო შემოწმებები და გააუმჯობესოს სერვისი. დღეისთვის პრობლემა გადაჭრილია, უმაღლეს სასწავლებლებთან არსებულ გაჩერებებზე, მანქანების რაოდენობა გაორმაგდა“ - განაცხადა ქალაქის მერმა, ფრანჩესკო დე რუვომ.

ქვეყანაში კოვიდრეგულაციების გამო დაწესებული შეზღუდვები ძალაში 31 დეკემბრამდე რჩება.