"არ არსებობს ცუდი, პრობლემური ბავშვი - ყოველთვის ამ ფრაზით ვიწყებ საუბარს, როდესაც თემა ქცევით სირთულეებს ეხება" - ეს საინტერესოა

ბავშვთა და მოზარდთა ფსიქოლოგი მარიამ შოვნაძე, მშობლებს საინტერესო რჩევებს უზიარებს, რომელსაც "ექსკლუზივ ტვ" უცვლელად გთავაზობთ:

"არ არსებობს ცუდი, პრობლემური ბავშვი - ყოველთვის ამ ფრაზით ვიწყებ საუბარს, როდესაც თემა ქცევით სირთულეებს ეხება.

თითოეული ქცევითი სირთულე გვატყობინებს, რომ მიმდინარე პერიოდში ბავშვს/ მოზარდს რთულ მოვლენებთან გამკლავება უჭირს.

🟢 ასეთ დროს, გაკრიტიკება და განსჯა ვერ დაგვეხმარება სირთულეების მართვაში,  პირიქით, ბავშვისთვის დამატებითი სტრესორია და კომპლექსური სირთულეების გამომწვევი.  

ასევე მნიშვნელოვანია ფრაზები, რომლებსაც ბავშვთან კომუნიკაციის დროს ვიყენებთ.

უნდა ვეცადოთ, არ გამოვიყენოთ შემდეგი მიმართვები:

❌ ცუდი ბავშვი ხარ; 
❌ ასე გაგზარდე ?! 
❌ კარგად მოიქეცი ! 
❌ აღარ დაგელაპარაკები; 
❌ შენი და/ძმა როგორც იქცევა ისე მოიქეცი;

მაგალითისთვის შეგვიძლია გამოვიყენოთ :

🟡 მე ვფიქრობ, რომ შენ გაბრაზდი და ამიტომ ყვირი, შენთვის მნიშვნელოვანი სათამაშო გატყდა. ყვირილი არ მესმის, მე შენთან ვარ, ხმადაბლა მესაუბრე და მოვიფიქროთ, როგორ შევაკეთოთ სათამაშო.

🟡 გთხოვ, თამაშის შემდეგ სათამაშოები ყუთში ჩაალაგე. მე ტანსაცმელს მოვაწესრიგებ.

🟡 რა მაგარია, ყოჩაღ, სათამაშოები ყუთში უკვე ჩაალაგე. ახლა შეგვიძლია გავისეირნოთ.

🟡 ზღაპრის წაკითხვის ან ანიმაციის ყურების შემდეგ შეგვიძლია ვკითხოთ, ის როგორ მოიქცეოდა კონკრეტული პერსონაჟის ადგილას რომ ყოფილიყო.
  
🟢 რეალურად, ამ დროს ბავშვებს სჭირდებათ უსაფრთხოების განცდა და ზრდასრულებისგან ადექვატური, სრულფასოვანი მხარდაჭერა.

🟢 გვახსოვდეს, რომ ჩვენ ზრდასრულები  ვართ ქცევის როლური მოდელები. შესაბამისად, ჩვენ როგორც ვიქცევით ბავშვისთვის უფრო მეტი ინფორმაციის მიმცემია, ვიდრე, ჩვენ რას ვამბობთ.

შემდეგ პოსტში გაგიზიარებთ რეკომენდაციებს და ინფორმაციას სტრატეგიების შესახებ".

წყარო: ფეისბუკგვერდი "ბავშვთა და მოზარდთა ფსიქოლოგი მარიამ შოვნაძე"