“ჯამაგირი და კორონა ერთად დაჯდა. აბა მე ხომ ქართულს არ ვიკადრებდი და „ჩამოვათრიე“ იმპორტული შტამი...“ - პაატა ქვლივიძე

ჩვენი მკითხველისთვის კარგად ცნობილ მსახიობს, ნოშრე ფელინის, იგივე  პაატა ქვლივიძის ვირუსი დაუდასტურდა. მსახიობმა, არც ამ შემთხვევაში უღალატა ჩვევას და ამჯერად მკითხველს, „იმპორტული შტამის“, შესახებ, რომელიც ევროპიდან ჩამოიტანა, იუმორისტულ ჟანრში უყვება. პაატა ქვლივიძის პოსტს უცვლელად გთავაზობთ.

მკითხველს შევახსენებთ, რომ პაატა ქვლივიძე, მსახიობი, ფილმების და სერიალების ქასტინგის რეჟისორი და „EKA CAST“ - ის წარმომადგენელია.

„14 იანვარს ჯამაგირი და კორონა ერთად დაჯდა. აბა მე ხომ ქართულს არ ვიკადრებდი და „ჩამოვათრიე“ იმპორტული შტამი. კოვიდის ვიღაც კონტროლი მირეკავს, ალბათ მოიმარჯვა პასტა ფურცელი, რამდენი ადამიანის კონტაქტი ხარო? - მე არ დავინდე და სიმართლე ვუთხარი, ასე 700-დან 1000-მდეთქო, საწყალი, როგორ დაიბნა.

თვითმფრინავში ვიღაც ასაკიანი კაცი მეჯდა გვერდით, გულზე ევრო კავშირის დიდი ბეიჯით, სოლიდური დიპლომატით, რომ ჩამოვდიოდით, ავდექი ქურთუკს ვიცვამდი და შიგ თვალში გავარტყი ელვა (ზმეიკა). საწყალი როგორ გამწარდა, ალბათ კორონაც ავკიდე.

დღეს საინფორმაციოში  დავინახე ის კაცი, მაღალჩინოსნებს ხვდებოდა „დრასტიპროშტნით“. არა ყველაფერი იქით იყოს და ვისი კონტაქტიც ვიყავი მართლა არავის არ გადაედო.

კარგად ვარ! დღე მე-7-ე“ - წერს პაატა ქვლივიძე.

სხვა სიახლეები:

📌 „ეტყობა ქურდმა რომ ნახა, ამ ქეისში ისეთი ჩხაკუნა რაღაც იდო, რომელსაც ვერ გაყიდდა, იქვე მიაგდო“ - დაუჯერებელი ისტორია

📌 ევროპარლამენტის ისტორიაში პირველად, პრეზიდენტის პოსტი ყველაზე ახალგაზრდა კანდიდატმა, 43 წლის რობერტა მეცოლამ ჩაიბარა

📌 ბერლუსკონისთან სექსის შესახებ ცრუჩვენების გამო, ოთხი ქალი გასამართლდება