"ადრე დაცვის პოლიციაში მუშაობდა, დედა ემიგრანტი ჰყავს" - "საქართველოს ბანკის" თავდამსხმელზე მეზობლები პირველ კომენტარს აკეთებენ

"საქართველოს ბანკის" თავდამსხმელზე მეზობლები მედიასთან პირველ კომენტარს აკეთებენ და აცხადებენ, რომ დაკავებული გრიგოლ ნარსია ადრე, დაცვის პოლიციაში მუშაობდა.

"გამორიცხულია, მაგი რომ მას, რამე ბომბი ჰქონოდა.

ბომბი, რომ ჰქონოდა ააფეთქებდა არ დააჭერინებდა თავს. 

რამდენიმე წლის წინ დაცვის პოლიციაში მუშაობდა, დედა ემიგრანტი ჰყავს და ხშირად იქ აკითხავდა", - განუცხადეს "ტვ პირველს" დაკავებულის მეზობლებმა.

შინაგან საქმეთა სამინისტრომ ქუთაისში „საქართველოს ბანკის“ ერთ-ერთ ფილიალზე თავდასხმის, ტერორისტული აქტის, ტერორისტული მიზნით მძევლად ხელში ჩაგდების და საბრძოლო მასალის მართლსაწინააღმდეგო შეძენა-შენახვა-ტარების ბრალდებით 1985 წელს დაბადებული გ.ნ. დააკავა. ოპერატიულ-საგამოძიებო მოქმედებებით დადგინდა, რომ შეიარაღებული პირი ქუთაისში, შოთა რუსთაველის გამზირზე მდებარე “საქართველოს ბანკის” ფილიალში შეიჭრა და დიდი ოდენობის თანხის დაუფლების მიზნით 14 პირი მძევლად აიყვანა. 
 
შინაგან საქმეთა სამინისტრომ მძევლად აყვანილი ყველა ადამიანი ეტაპობრივად გაათავისუფლა, რის შემდეგაც სამართალდამცველებმა თავდამსხმელი ბრალდებულის სახით ადგილზე დააკავეს. მომხდარის შედეგად არავინ დაშავებულა.

უწყების ცნობით, მომხდარ ფაქტზე გამოძიება საქართველოს სისხლის სამართლის კოდექსის 236-ე, 323-ე და 329-ე მუხლებით მიმდინარეობს.

ასევე დაგაინტერესებთ:

* "კი მიკვირს ჩემს ჩაცმულობაზე ასეთი უზომო ინტერესი - არ მინდა გამორჩეული პროფესიონალი ფოტოგრაფი გია აბდალაძე გააკრიტიკონ. ეს ფოტო ექსპრონტად, სხვისი გადაღებულია" - სალომე ზურაბიშვილი

* "112-ის ოპერატორი: თავდამსხმელი შეიარაღებულია? მძევალი:  - არა, ბატონო, დანა-ჩანგლითაა მოსული!" - ბანკზე თავდამსხმელის ირგვლივ გაჟღერებული კურიოზული ფრაზების კრებული

* შსს, ბანკიდან მძევლების გათავისუფლებისა და თავდამსხმელის დაკავების ვიდეოკადრებს ავრცელებს (ვიდეო)