"ამიხსენით, მესენჯერით როგორ შეიძლება კაცმა ქალზე სექსუალური ძალადობა განახორციელოს" – მერაბ მეტრეველი გიორგი კეკელიძეს მხარდაჭერას უცხადებს

"წყლის ჭავლთან მოცეკვავე" სალომე კენჭიაშვილი უარს ამბობს გიორგი კეკელიძის შეთავაზებულ სტიპენდიაზე. სტიპენდიაზე უარის გადაწყვეტილების შესახებ საჯაროდ საუბრობს სალომეს უფროსი და, სოფია კენჭიაშვილი, რომელიც გიორგი კეკელიძეს სექსუალურ შევიწროებაში ადანაშაულებდა. 

ფაქტს ჟურნალისტი მერაბ მეტრეველი ეხმაურება და მწერალ გიორგი კეკელიძეს მხარდაჭერას უცხადებს:

"ვინმემ არგუმენტირებულად ამიხსენით, მესენჯერით როგორ შეიძლება კაცმა ქალზე სექსუალური ძალადობა განახორციელოს, ან სექსუალურად შეავიწროოს, როცა არასასურველი მესიჯების ავტორი პირველივე მონაწერზე უბრალოდ შეგიძლია დაბლოკო და ამით დაამთავრო ყველაფერი?

ჩემი აზრით, სექსუალური შევიწროება შესაძლებელია, როცა ადამიანს შენზე რაღაც გავლენის ბერკეტი აქვს.

მაგალითად შენი უფროსია და ამას იყენებს, ან ლექტორია და ამას იყენებს, ან სხვა რამის გამო აქვს შენზე ძალაუფლება და გავიწრივებს. 

მესენჯერში სექსის შემოთავაზება, ნუდების მოთხოვნა და ა.შ. შევიწროვება როგორაა?

ასეთ ადამიანს შეიძლება უწოდო მექალთანე, თუ ბევრ ქალს წერს, სექსუალურად დაუკმაყოფილებელი ან რამე ასეთი, მაგრამ მოძალდე?

გამარკვიეთ, გეხვეწებით.

მე მრჩება შთაბეჭდილება, რომ ასეთ დროს ქალების რაღაც ნაწილი მოტოვით: “მე პატიოსან ქალს ასეთი რამ როგორ მაკადრეს”, თავს შეურაცხყოფილად გრძნობს, და თუ მამაკაცი ცნობილია ითხოვს, მის დაქენსელებას,
მაგრამ ეს შეურაცხყოფის გამო შურისძიება არ გამოდის?", - წერს მეტრეველი.

ამავე თემაზე:

"მხოლოდ ფაქტები" - რა კომენტარს აკეთებს გიორგი კეკელიძე სალომე კენჭიაშვილის მიერ სტიპენდიაზე უარის თქმის მიზეზებზე