ხაბეიშვილი: უახლოეს პერიოდში რატი ბრეგაძე გაურთულდება პოლიტიკური საქმიანობის განხორციელება, ამაში დარწმუნებული ვარ, თუ უნდა, მუქარად მიიღოს

"მიხეილ სააკაშვილი ხელისუფლებას არ გადაჰყავთ რეანიმაციულ განყოფილებაში ერთი მიზეზით, რომ სასამართლოსთვის შეუძლებელი არ იყოს ტყვეობაში დატოვოს", – ამის შესახებ „ნაციონალური მოძრაობის“ თავმჯდომარეობის კანდიდატმა, ლევან ხაბეიშვილმა ბრიფინგზე განაცხადა.

ხაბეიშვილის თქმით, დარწმუნებულია, რომ აღნიშნულის გამო იუსტიციის მინისტრ, რატი ბრეგაძე პასუხი მოეთხოვება.

ამასთან, როგორც ხაბეიშვილმა აღნიშნა, ყველა დოკუმენტაცია არსებობს მიხეილ სააკაშვილის საზღვარგარეთ გადასაყვანად.

"ჩვენ ვხედავთ, რომ მიხეილ სააკაშვილის ჯანმრთელობასა და სიცოცხლეს სჭირდება რეანიმაციაში გადაყვანა.

ამის ნაცვლად, ხელისუფლებას, ბიძინა ივანიშვილს, ირაკლი ღარიბაშვილსა და ამ ყველაფერს ასრულებს ცხადია, რატი ბრეგაძე, მიზანმიმართულად არ გადაჰყავთ რეანიმაციულ განყოფილებაში ერთი მიზეზით, რომ შემდეგ სასამართლოსთვის შეუძლებელი არ იყოს ტყვეობაში დატოვოს მიხეილ სააკაშვილი.

ყველა დოკუმენტაცია არსებობს, რომ მიხეილ სააკაშვილი იყოს გადაყვანილი მესამე ქვეყანაში, სადაც უზრუნველყოფილი იქნება მისი ჯანმრთელობა და სიცოცხლე. რეანიმაციულ განყოფილებაში არ გადაჰყავთ მხოლოდ იმის გამო, რომ სასამართლო პროცესები მიმდინარეობს.

რატი ბრეგაძემ კარგად უნდა იცოდეს, რომ ბიძინა ივანიშვილთან ერთად პასუხისმგებლობას იღებს მესამე პრეზიდენტის ჯანმრთელობასა და სიცოცხლეზე, მე მინდა მას ვუთხრა, რომ უახლოეს პერიოდში მას მოეთხოვება პასუხი. თუ უნდა მუქარად მიიღოს რატი ბრეგაძემ.

გაურთულდება პოლიტიკური საქმიანობის განხორციელება, მე ამაში დარწმუნებული ვარ", – განაცხადა ხაბეიშვილმა.

ასევე დაგაინტერესებთ:

* ლიზა იასკო მიხეილ სააკაშვილზე: არც კი ვიცი რა სიტყვებით ვამცნო მთელ მსოფლიოს, რომ მიშა სულ უფრო და უფრო ცუდადაა - ბოლო დღეებში მისი წონა 68 კგ გახდა და ის შშმ პირის ეტლით გადაადგილდება