„საკმაოდ სასიხარულო ამბავია "სინოვაკით" აცრილებისთვის" - რა ინფორმაციას აქვეყნებს გიორგი ფხაკაძე

საზოგადოებრივი ჯანდაცვის ექსპერტის,პროფესორი გიორგი ფხაკაძე სოციალურ ქსელში უახლესი კვლევების შესახებ წერს, რომლის მიხედვით ჩინური ვაქცინის - "სინოვაკის" ეფექტიანობა კორონავირუსის წინააღმდეგ დადასტურდა.

ფხაკაძის განცხადებით, საქართველოში არსებული ყველა ვაქცინა უსაფრთხო და ეფექტურია.

"საკმაოდ სასიხარულო ამბავია „სინოვაკის“ ვაქცინით აცრილებისთვის.

პირველად ამ ბოლო დროს მივიღეთ ადეკვატური კვლევის შედეგები სინოვაკის ვაქცინასთან დაკავშირებით.

კვლევა ჩატარდა მალაიზიაში.

7,200,000 ადამიანის მონაცემები იქნა შესწავლილი და დადგინდა რომ მხოლოდ 0.011% დასჭირდათ რეანიმაცია (ეს არის საუკეთესო მაჩვენებელი ვაქცინის ეფექტურობის).

ასევე კვლევა აჩვენა, რომ პფაიზერი უფრო ეფექტურია მხოლოდ 0.002% დასჭირდათ რეანიმაცია (6.5 მილიონის მონაცემები).

დასკვნა:

✅ საქართველოში არსებული ყველა კოვიდ ვაქცინა არის უსაფრთხო.

✅ საქართველოში არსებული ყველა კოვიდ ვაქცინა გიცავთ რეანიმაციისაგან (ყველაზე კარგად პფაიზერი, დანარჩენებიც არაუშავს).

✅ საქართველოში არსებული ყველა კოვიდ ვაქცინა გიცავთ სიკვდილისგან (ფაიზერი 98.8% დანარჩენებიც არაუშავს).

✅ მსოფლიოში დღესდღეობით გამოყენებული 17-ვე ვაქცინა არ გიცავთ კოვიდისგან 100% - ვაქცინა არ არის უკვდაობის ელექსირი.

აიცირეთ დროზე და გახსოვდეთ რომ სამედიცინო პირბადე არის აუცილებელი აცრილებისთვის და აუცრელებისთვის, დაიცავით დისტანცია და აერიდეთ ხალხმრავლობებს, დაიბანეთ ხელები ხშირად, გაანიავეთ შენობები ყოველი 10-15 წუთი, და იყავით პოზიტიურ განწყობაზე.

არ გაავრცელოთ ვირუსი, გაავრცელეთ სიყვარული", - წერს ფხაკაძე.