„შესაძლებელია, გამოიწვიოს ზედოზირება და სიკვდილი“ - ზურაბ სიხარულიძე ნარკოტიკის მომხმარებლებს აფრთხილებს

ნარკოლოგი ზურაბ სიხარულიძე სოციალურ ქსელში საგანგაშო ინფორმაციას ავრცელებს და ნარკოტიკის მომხმარებლებს აფრთხილებს.

“მეგობრებო, ახლა უკვე ორი შემთხვევა არის ქალაქში და ამიტომ გადავწყვიტე, რომ ეს პოსტი დავწერო, ვინაიდან, ესე იგი, არის საშიშროება, რომ რაღაცა უბედურებას გადავეყაროთ!!

ვინც გამოიწერეთ რაიმე ნარკოტიკი და ნახეთ, რომ არის თეთრი კრისტალები და გამოიწერეთ, როგორც მეტამფეტამინი ან ალფა-პვფ ან ყველაზე ცუდ შემთხვევაში _  მეფედრონი და ამ კრისტალებში შესაძლებელია, იყოს მეტადონი ან კარფენტანილი. ორი ასეთი შემთხვევა უკვე დაფიქსირდა, ამიტომ არ არის გამორიცხული, სხვაც იყოს და ბევრი!!!

მეტადონი და კარფენტანილი ამ შემთხვევაში არის იპიატი და შესაძლებელია, გამოიწვიოს ზედოზირება და სიკვდილი!

სიმპტომები მოხმარების დროს:

1.  გულისრევა, ღებინება;

2.  გაბრუება, გონების დაკარგვა;

3. სუნთქვის გაძნელება და მძიმე შემთხვევაში გაჩერება;

რა უნდა ვქნათ

1. არ მიატოვოთ მარტო ადამიანი!

2. დარეკეთ 112 და გამოიძახეთ სასწრაფო დახმარების ბრიგადა დაუყოვნებლივ, გაუვლის და მერე არ გამოვა!

3. სუნთქვის გაჩერების და გონების დაკარგვის შემთხვევაში, ხელოვნური სუნთქვა, პირიდან პირში ან პირიდან ცხვირში.

დააწვინეთ გვერდზე, რომ ნაღები მასა არ მოხვდეს ფილტვში.

და გამოიყენეთ ნალოქსონი!!!

არ არის აუცილებელი, რომ გაუკეთოთ ვენაში. შეგიძლიათ, უბრალოდ ჩაასხათ პირის ღრუში ან გაუკეთოთ კუნთში.

ზედოზირების პაკეტები არის აპარატებში სიგმა, რომელიც დგას პსპ აფთიაქთან მანდალა • Mandala დაუკავშირდით და გატესტეთ თქვენი შეძენილი ნარკოტიკი!! არ მოიხმაროთ უცნობი ნივთიერება!!

გაუფრთხილდით თქვენ სიცოცხლეს!!” _ წერს ზურა სიხარულიძე.

ასევე დაგაინტერესებთ:

🔵 „ქართველები ომში მაშინ დავმარცხდებით, როდესაც რუსების შემოსევაზე დავხუჭავთ თვალს და ვიგუებთ“ - დომენიკ მანგო

🔵 „რუსეთი არ ასრულებს ევროკავშირის შუამავლობით დადებულ 2008 წლის 12 აგვისტოს ცეცხლის შეწყვეტის შეთანხმებას და აფართოებს საკუთარ უკანონო კონტროლს ოკუპირებულ რეგიონებში“

🔵 “დედა შვილს აუყვირდა და ჩემზე მიუთითა, თუ არ ისწავლი, შენც ასე მოგიწევს “ტაჩკების” თრევა” - პოლონეთში მცხოვრები ქართველი