"თურმე უკრაინა იარაღის მიწოდებას გვთხოვს, სად გვაქვს უკრაინაში გასაგზავნი იარაღი? აგერ ხურვალეთში ვერ დაგვიცვია ხალხი ლეკიანობისაგან"- შალვა ნათელაშვილი

„ლეიბორისტული პარტიის“ ლიდერი შალვა ნათელაშვილი სოციალურ ქსელში წერს:

"ივანიშვილის მიერ დაქირავებული ფრანგი პენსიონერ-პრეზიდენტი აგრძელებს თავისი მარჩენლის გათეთრებას.

ამჯერად მთლად აიწყვიტა მუხრუჭი და ევროპულ პრესას განუცხადა, რომ თურმე უკრაინა მეორე ფრონტის გახსნასა და იარაღის მიწოდებას გვთხოვს.

მეორე კი არა პირველი ფრონტი  აქ რუსეთს უკრაინაზე ადრე 30 წლის წინა აქვს გახსნილი, ტერიტორიები რაც სურდა ივანიშვილმა შემოაღობინა, მთავრობა პუტინის შერჩეულია, სანქციებს არა მარტო არ შევუერთდით არამედ მოსკოვს  გზა თუ ფინანსური არხები  გაუხსნეს უკრაინაში.

მეტი სისხლის ღვრის უზრუნველსაყოფად  და საინტერესოა, რატომ უნდა გააფართოოს კრემლმა ფრონტი ჩვენთან?

და რაც მთავარია გეოპოლიტიკური კანონებით რუსეთი თურქეთთან გარიგების გარეშე საქართველოში ფრონტალურ ომს ვერ დაიწყებს, თურქეთი კი როგორც თუნდაც ნატოს წევრი ამაზე თანხმობას არ მისცემს,ეს გამორიცხულია.

ახლა ოლიგარქის ერთადერთი იმედია ცრუ პოსტულატი----ომს გადაგარჩინეთ---უფასო ფულის ვარიანტში ცდილობენ ხალხს თავში ჩაუჭედონ ეს საუკუნის მორიგი სიცრუე.

იმედია ახლა მაინც არ გამოუვათ გადამრჩენის ცრუ სტატუსის დამკვიდრება.

უკრაინა ითხოვს ამ რეჟიმისაგან ერთადერთს----შეწყვიტონ რუსეთის სტრატეგიული მოკავშირეობა,სანქციებისგან მისი განბლოკვა და ივანიშვილის  რესურსებით უკრაინელი და ქართველი ხალხის ხოცვა.

 P.S ამ განცხადებაში საუკუნის ანეკდოტია ისიც, რომ თურმე უკრაინა იარაღის მიწოდებას გვთხოვდეს.

ყვავს რა ჰქონდა ბუს გაქონდაო, სად გვაქვს უკრაინაში გასაგზავნი იარაღი?  აგერ ხურვალეთში ვერ დაგვიცვია ხალხი ლეკიანობისაგან", - წერს ნათელაშვილი.

ასევე დაგაინტერესებთ:

* "მარგველაშვილი თუ გახდება „ნაცმოძრაობის“ თავმჯდომარე, იქნება ინოვაცია, როდესაც ორი პრეზიდენტი ერთ პარტიაში მოიყრის თავს" - შალვა ნათელაშვილი

* ლარი კვლავ გაუფასურდა - ვალუტის კურსი