უჩა მამაცაშვილმა „ანტიკორუფციული მოძრაობის“ წინააღმდეგ სასამართლოში დავა მოიგო

სამოქალაქო სასამართლოში საქმეზე, „უჩა მამაცაშვილი „ანტიკორუფციული მოძრაობის“ წინააღმდეგ“, მოსამართლემ გადაწყვეტილება გამოაცხადა.

მამაცაშვილი არასამთავრობო ორგანიზაციას ცილისწამებაში ადანაშაულებდა და მორალური ზიანის ანაზღაურებას ითხოვდა.

პროცესი უჩა მამაცაშვილის სასარგებლოდ დასრულდა.

სასამართლოს გადაწყვეტილებით, ყველა განცხადება, რომელიც ორგანიზაციამ მამაცაშვილის წინააღმდეგ გააჟღერა, ცილისმწამებლურია.

მოსამართლემ „ანტიკორუფციულ მოძრაობას“ დააკისრა იმავე ეთერებიდან აღნიშნული ცილისმწამებლური განცხადებები უარყონ.

მამაცაშვილი მოძრაობის სხვადასხვა წევრისგან 50-50 ათასს, ჯამში, 150 ათას ლარს ითხოვდა, თუმცა მოსამართლემ მათ 5-5 ათასი ლარის გადახდა დააკისრა.

უჩა მამაცაშვილის ადვოკატის, ამირან გიგუაშვილის განცხადებით,მისი დაცვის ქვეშ მყოფი პირი "კვლავაც აგრძელებს თავის ქველმოქმედებას იმ ორგანიზაციის მიმართ, სადაც ეს თანხა ჩაირიცხება"

„კიდევ ერთხელ დადასტურდა, რომ ბუნებაში არ არსებობდა მტკიცებულებები იმ ბრალდებებისა, რომელსაც ჩვენი მოწინააღმდეგე მხრე აცხადებდა.

ასევე, კიდევ ერთხელ დადასტურდა, რომ ეს არ არის „ანტიკორუფციული მოძრაობა“. სინამდვილეში ამ კამპანიის უკან იდგნენ კონკრეტული ადამიანები, კონკრეტული ინტერესები, რაც ჩანს.

ერთი მხრივ, ეს არის კოდუა და მეორე მხრივ, ეს ორგანიზაცია აფილირებულია ბატონ კეზერაშვილთან.

ვფიქრობთ, გადაწყვეტილება სამართლიანი და ობიექტურია.

რაც შეეხება ფულად ნაწილს, ეს ჩვენი ინტერესის მთავარი საგანი არ იყო.

ბატონი უჩა კვლავაც აგრძელებს თავის ქველმოქმედებას იმ ორგანიზაციის მიმართ, სადაც ეს თანხა ჩაირიცხება“, - განაცხადა გიგუაშვილმა.