ამისთვის შევარდით საზმაუში? არ სჯობს საკუთარი დაბლოკილი ეთერები გახსნათ და ლაპარაკის დაწყება მოსთხოვოთ მოწვეულ სტუმრებს? - იაგო ხვიჩია

 პარტია „გირჩის“ ლიდერი იაგო ხვიჩია ეხმაურებასაზოგადოებრივი მაუწყებლის ეთერში გასულ გადაცემას, რომელიც მას შემდეგ დაიგეგმა, რაც ტელეკომპანიის შენობასთან სამოქალაქო საზოგადოების ნაწილი მივიდა პირდაპირი ეთერის მოთხოვნით.

როგორც იაგო ხვიჩია სოციალურ ქსელში წერს, გადაცემაში მონაწილე ადამიანები ისეთს არაფერს ამბობენ, რასაც ოპოზიციურ მედიაში ვერ ილაპარაკებდნენ.

იაგო ხვიჩია მათ ურჩევს, „საკუთარი დაბლოკილი ეთერები გახსნან“ და „ლაპარაკის დაწყება მოსთხოვონ იქ მოწვეულ სტუმრებს“.

„ოპოზიციას აქვს, სულ მცირე სამი უფრო პოპულარული არხი, ვიდრე საზოგადოებრივი მაუწყებელი. სამივეზე განსხვავებული აზრის, იმაზე უარესი ბლოკადაა მოწყობილი ვიდრე ოდესმე ყოფილა საზმაუზე ვასილ მაღლაფერიძის პირობებში. (კომუნისტების დროს რა იყო არ ვიცი) ეს ხალხი ვის ეთერში საჯდომადაც იყო ბრძოლა, ისედაც სულ ეთერებში ზიან და არაფერს ამბობენ. ახლაც დასვეს საზმაუზე და რა? რას ამბობენ ისეთს, რასაც ნაც მედიაში ვერ ილაპარაკებდნენ? ამისთვის შევარდით საზმაუში? ესაა ევროპისთვის ბრძოლა? არ სჯობს საკუთარი დაბლოკილი ეთერები გახსნათ და ლაპარაკის დაწყება მოსთხოვოთ მოწვეულ სტუმრებს? ნაცვლად იმისა, რომ შევარდეთ და, რაც თქვენთან გაქვთ იმნაირი უაზრო კონცერტი მოაწყოთ საზმაუზეც“, - წერს იაგო ხვიჩია.