"არაფერი უარი არ უთქვამს TBC ბანკს! დღეს ჩვეულებრივად იდგნენ რუსები რიგში, ანგარიშის გასახსნელად“ - სოციალური მედია

"არაფერი უარი არ უთქვამს TBC ბანკს! დღეს ჩვეულებრივად იდგნენ რუსები რიგში, ანგარიშის გასახსნელად. უფრო სამწუხარო ისაა, რომ ყველას ქართველი ახლდა თან, ისიც ანგარიშის გასახსნელად. ყოველ შემთხვევაში, რუსებს რომ ვერ მოეხერხებინათ ანგარიშის გახსნა, ქართველის სახელზე გახსნილი ანგარიშით ესარგებლათ. ვინც ახლა სახლებს ყიდით ან აქირავებთ, ყველა დახოცილი ბავშვების ხარჯზე შოულობთ ფულს და ხართ ჩვეულებრივი მოროდიორები!!!!"

ამ შინაარსის ტექსტს, სოციალურ ქსელ „ფეისბუკში“, პარიზში მოღვაწე ქართველი პედიატრი, ქეთი ლობჟანიძე აქვეყნებს.

„ეს, „ფრენდმა“  დამიწერა და ვაზიარებ, კომენტარში რომ არ დაიკარგოს! თბს-იმ უარი უთხრა რუსებს ანგარიშის გახსნაზე და უცებ წამოიმართა კრებითი შადიმანების ლეგიონი, ეხმარება ოკუპანტ ერს და ანგარიშს უხსნის თავის სახელზე. არც კი ვიცი, რა ვთქვა!
საქართველო ყველაზე ხშირად მარცხდებოდა შიდა გამყიდველების მიზეზით! რამდენ ვერცხლად უნდა მიეყიდო საერთო მტერს, რომ გიღირდეს ამხელა ცოდვის გაზიარებად?! ეს პარაზიტები წითელ მოედანზე უნდა აპროტესტებდნენ ომს!
ქართველის მხრიდან დღეს პუტინის ამომრჩევლისადმი შემწყნარებლობა არის ბოროტების მხარეს დგომა, უკრაინელების გენოციდისა და ქვეყნის ნგრევაზე პასუხისმგებლობის გაზიარება, მოგვიანებით საქართველოში რუსული ტანკების შემოსვლისთვის ნიადაგის მომზადება!

ახლა მაინტერესებს, რა მიზნით უნდა აკეთებდეს ამას ოკუპირებული ქვეყნის მოქალაქე, რა ფენომენია - სიბრიყვე, მონობა, მავნებლობა თუ ორიგინალურობის მცდელობა!

მე არც რუსოფობი ვარ, არც ქსენოფობი და არც ფაშიზმში გადავარდნას ვემხრობი! ჯერ უკრაინის ტრაგედიას განვიცდი საკუთარივით, მერე ამორალურად მიმაჩნია სანქციებს არმიერთება, რუსს უნდა შეექმნას დისკომფორტი, რომ გაბედოს დიქტატორის ჩამოგდება, რაც დაამთავრებდა ომს და ბოლოს, არ მინდა აქ დამკვიდრებული რუსების "დაცვის" საბაბით რუსული ტანკების შემოჭრა!
მოკლედ, დავიწყოთ იმ ვაი-ქართველების აქ გამოჭენება, ვინც რაიმე ფორმით ეხმარება მტერს!“ - წერს ქეთი ლობჟანიძე.

აგრეთვე დაგაინტერესებთ:

📌 რუსეთი უკრაინაზე თავდასხმის მიზეზს, მცირეწლოვან ბავშვებს პროპაგანდისტული ანიმაციური ფილმით უხსნის

📌 რა შემთხვევაში შეწყვეტს რუსეთი ომს? - პესკოვი კრემლის პირობებს ასახელებს

📌 "ერთი მხრივ უკრაინაში დარჩენა და ქმართან ახლოს ყოფნა მინდოდა და მეორე მხრივ 6 თვის შვილის უსაფრთხოებაზე უნდა მეზრუნა"- საბერძნეთში ჩამოსული უკრაინელი ლტოლვილის ემოციური ინტერვიუ