"ჩემ შვილს, ეფემიას დაუდგინდა ცერებრული დამბლა... 40 დღე იბრძოდა ინკუბატორში... მერე გულის მანკი დაამარცხა, თირკმლის რეფლუქსიც... ვიმედოვნებთ, რომ მალე ფეხზეც გაივლის, ირბენს და ითამაშებს თანატოლებთან ერთად" - ფილიპე ხალვაში

პატარა ეფემია, რომელსაც ცერებრული დამბლა დაუდგინდა, თქვენს დახმარებას საჭიროებს, რათა პატარამ ინტენსიური თერაპიის კურსი გაიაროს. შეძლოს დამოუკიდებლად ჯდომა, ხოხვა და ვიმედოვნებთ, რომ მალე ფეხზეც გაივლის, ირბენს და ითამაშებს თანატოლებთან ერთად, რისი მოტივაციაც მის მშობლებს, ნამდვილად გააჩნიათ.

"ჩემ შვილს, ეფემიას დაუდგინდა ცერებრული დამბლა... ისეთი შოკი იყო ამ დიაგნოზის მოსმენა, კარგა ხანი დამჭირდა რეალობისთვის თვალის გასასწორებლად. ჩვენი ტვინი რამდენ ხრიკს ფლობს, თავდაცვით მექანიზმს, ტრავმისგან რომ დაგვიცვას - გეფიქრება, რომ ერთი ნევროლოგი არაა პროფესიონალი, მეორემ დიაგნოზი განგებ დაამძიმა, სახელმწიფო რეაბილიტაცია-აბილიტაციის პროგრამაში რომ ჩაესვი (რა ინტერესი აქვს?! დაფინანსება ჯერაც არ მიგვიღია და ვერც გვეუბნებიან როდის იქნება ბიუჯეტის შევსება, თორემ სამ წლამდე ბავშვები რომ პრიორიტეტია, ეგ ვიცით) გეფიქრება, რომ დროებითია, რომ როგორც აქამდე ახერხებდა ყველა სირთულის დაძლევას, ამასაც დაძლევს.

სამწუხარო რეალობა ისაა, რომ პედიატრსა თუ ნევროლოგებთან ვიზიტებისას არ გაგვიგია ის საჭირო ინფორმაცია, რაც ექიმების მოსაცდელში სხვა ბავშვების მშობლებისგან გავიგეთ. მათი რჩევით შევიტანეთ საბუთები რეაბილიტაცია აბილიტაციის პროგრამაზე, აქედანაც მოლოდინის რეჟიმი გვაქვს ჩართული განუსაზღვრელი ვადით... გავარკვიეთ, რომ ეფემიას ეკუთვნის პენსია, აქაც შევიტანეთ საბუთები და ის 275 ₾ რომელიც თვენახევრის შემდეგ ექნება, ეყოფა ალბათ 4 თერაპიის სეანსს. სახელმწიფო დაზღვევა ჯერ არაფერში გამოგვდგომია, ერთი უფასო აცრები ალბათ, სხვა არ მახსენდება... ა, ერთი შარდის საერთო ანალიზიც 🙂

ეფემია მებრძოლი გოგოა და დაბადების მომენტიდან იბრძვის ❤

დაბადების დრო თვითონ აირჩია, ერთი თვით გვიან ველოდით, მერე 40 დღე იბრძოდა ინკუბქტორში და იქიდან ზომიერად ფერხორციანი ზღვის გოჭი გამოვიყვანეთ, მთელი 45 სმ. მერე გულის მანკი დაამარცხა, თირკმლის რეფლუქსიც...

ახლა დავიწყეთ ინტენსიური თერაპია, რომ ეფემიამ შეძლოს დამოუკიდებლად ჯდომა, ხოხვა და ვიმედოვნებთ, რომ მალე ფეხზეც გაივლის, ირბენს და ითამაშებს თანატოლებთან ერთად.

ცერებრული ბავშვების მშობლებთან აქტიური საუბრებით გავერკვიეთ ბევრ ნიუანსში ამ დიაგნოზთან დაკავშირებით. სამ წლამდე როგორი მნიშვნელოვანია თერაპიები და როგორ სწრაფად ხედავ შედეგს, სამი წლის მერე კი ისეთი ეფექტური აღარ არის, იმიტომ რომ ბავშვის სხეული იცვლება. ეფემია ახლა წლის და სამი თვისაა. წინ კიდევ წელიწადი და 9 თვე გვაქვს, რომ დამოუკიდებლად დაჯდომა შეძლოს და ისწავლოს ხოხვა. ვარჯიში, მასაჟი, თერაპიები, ყოველ დღე აუზი ბალნეოლოგიურში, ცხენის თერაპია და ექიმის კონსულტაციები, თვეში იმაზე გაცილებით დიდი ხარჯია, რაც მე და თაკომ შეიძლება მოვახერხოთ ჩვენი შვილისთვის, პატიოსანი შრომით და ადამიანის სახის დაუკარგავად, თუმცა მაგ ვერსიებზეც გვიფიქრია, გულახდილად რომ ვთქვა 🙂

ბევრს ვფიქრობთ ქვეყნის დატოვებაზეც და ეფემიას იმ ქვეყანაში წაყვანაზე, სადაც სახელმწიფო სერვისები გამართულად მუშაობს და ბავშვს ადამიანური მომავალი ექნება.

თუ ამ ბრძოლაში ვინმეს ჩემი და თაკოს თანადგომის სურვილი გექნებათ, დიდი მადლიერებით მივიღებთ თქვენს მცირედ დახმარებასაც კი.

დღეს ცერებრული დამბლის საერთაშორისო დღეა. ეს დიაგნოზი სამუდამოა, მაგრამ დროული მკურნალობით და სწორი მეთოდებით შეიძლება მისი მართვა.

მეგობრებო ეს ჩემი საქ. ბანკის ანგარიშის ნომერია კიდევ ერთხელ წინასწარ დიდ მადლიერებას და პატისვისცემას გამოვხატავ თქვენს მიმართ!",-წერს, ეფემიას მამა, ფილიპე ხალვაში.

ეფემიას დასახმარებლად, გთხოვთ, თანხა ჩარიცხოთ ქვემოთ მითითებულ ანგარიშზე:

GE89BG0000000802794100

მიმღები, ფილიპე ხალვაში, ეფემიას მამა