,,დადექით სარკის წინ და დაუსვით საკუთარ თავს კითხვა თუ რის გაკეთება გსურთ ან რა არ მოგწონთ” - რას წერს გიორგი ლობჯანიძე

 ასტროლოგი გიორგი ლობჯანიძე სოციალურ ქსელში პერიოდულად პოსტებს აქვეყნებს, სადაც ცხოვრებისეულ მომენტებზე საუბრობს და საზოგადოებას რჩევებს უზიარებს ხოლმე.

ამჯერად გიორგი ლობჯანიძე „დღეღამტოლობასა“ და შემოდგომის ბუნიობაზე წერს, სადაც რჩევებს გვიზიარებს.

 „როგორი ლამაზი დღეა! წელს შემოდგომის ბუნიობა, „დღეღამტოლობა“ 22 სექტემბერს თბილისის დროით 16:44 საათზე გვექნება!

ამ დროს დედამიწის ჩრდილოეთი და სამხრეთი პოლუსები მზისგან თანაბარი მანძილითაა დაშორებული და შესაბამისად, პლანეტის ყველა წერტილში დღე და ღამე თანაბარია.

ახლა კი შეგვიძლია რომ ნამდვილი შემოდგომის დადგომა მივულოცოთ ერთმანეთს!
რეალური შემოდგომა იწყება მაშინ, როცა მზე გადაბრძანდება სასწორის ზოდიაქოს ნიშანში. სწორედაც რომ ამ დროს გვაქვს დღეღამტოლობა და ახალი სეზონის გახსნაც!

განსხვავებით გაზაფხულისგან, როდესაც მამაკაცური დინამიკა ირთვება, შემოდგომის ბუნიობას უფრო ქალური ენერგია ახლავს თან. თვითონ სასწორიც ხომ ვენერით ნამართი ნიშანია, რომელსაც იდეალურად ესმის ბალანსისა და კანონზომიერების თემები.

შემოდგომის დაწყება გვამცნობს მოსავლის აღების საკითხებს. ჯამში ბუნება ნელ-ნელა ემზადება ზამთრის ღრმა ძილისთვის, მანამდე კი გვმართებს გენერალური სამუშაოების ჩატარება. იქნება ეს მიწისგან ჩვენი ულუფის მიღება, უსარგებლო საგნების, ნივთების, ზოგიერთი დრომოჭმული ურთიერთობის დასრულება თუ სხვა.

პიკზე მზეს კი აქვს შესანიშნავი ტრიგონი პლუტონზე, ამიტომ ეცადეთ ცვლილებებიც შეიტანოთ თქვენს თავში. დადექით სარკის წინ და დაუსვით საკუთარ თავს კითხვა თუ რის გაკეთება გსურთ ან რა არ მოგწონთ? რას შეცვლიდით? რას დაამთავრებდით?

მადლობა უთხარით, უპირველეს ყოვლისა, ღმერთს ყველაფრისთვის, ჩაუღრმავდით სულიერად თქვენს თავს, ილოცეთ, იმუშავეთ მავნე ჩვევებზე! ეს ორკვირიანი მზე-მთვარის დაბნელების დერეფანი, ისედაც კარგია ჯამური კერხერიზაციისთვის.

დაიმუხტეთ დადებითად და გარემოშიც შეიტანეთ მეტი პოზიტივი! სახლიც კი გაწმინდეთ ზედმეტი ნარჩენებისგან!გისურვებთ ბედნიერ შემოდგომას!პატივისცემით!“, - წერს გიორგი ლობჯანიძე.