"იატაკი 6 სანტიმეტრით დაშორებულია კედლებისგან, სახლი პრაქტიკულად ჰაერში დგას და პიზის კოშკივით გადახრილია!!!! 12 წელზე მეტია ველოდებით სახლის გამაგრებას" - სოციალური მედია

სოციალურ ქსელ "ფეისბუკის" მომხმარებელი ხელისუფლებას მიმართავს, რომ ავარიული სახლის გამაგრებაში დაეხმარონ. როგორც პოსტის ავტორი წერს, ავარიული სახლის გამაგრებას უკვე 12 წელია ითხოვს:

"გამარჯობა, იქნებ ვინმეს შეუძლია ჩემი დაკვალიანება, ვცხოვრობ იტალიურ ეზოში და უკვე ბოლო 12 წელზე მეტია ველოდებით სახლის გამაგრებას) ამ 12 წლის განმავლობაში პასუხისმგებელი პირები სხვადასხვა მიზეზით ცდილობენ ჩვენს "არ" დახმარებას, იმიზეზებდნენ იმასაც რომ ბინა ეკუთვნის ძეგლთა დაცვას (რაც აბსურდია რადგან მესამე სართული დაშენებაა) და ხელს ვერ მოკიდებდნენ რეკონსტრუქციისთვის.

მიზეზი ჰქონდათ ისიც, რომ პროექტი არასწორად იყო შედგენილი და ყოველ ჯერზე, მაშინაც კი როცა სამეზობლო მზად იყო ფული შეეგროვებინა - უარით გვიშვებდნენ.

ვიტყვი იმასაც, რომ მეზობლები თავადვე მიდიოდნენ გამგეობაში და სრული ამ სიტყვის მნიშვნელობით გვაბუნძულებდნენ უკან...ახლაც რამდენიმე თვის წინ იყვნენ გამგეობიდან და ისევ არანაირი შედეგი გარდა დაძაბულობისა მცხოვრებლებისთვის!

სახლი არის კატასტროფულად ავარიული, იყო შემთხვევები როდესაც კედლები გარედან ჩამონგრეულა და საფრთხე შეუქმნია ქუჩაში მოსიარულეთათვისაც (გვერდით სკოლაა და განსაკუთრებით საშიშია ბავშვებისთვის).

დასუფთავების სამსახური მანქანა რომ მოძრაობს მაშინაც კი სახლი ქანაობს და კედლები ყოველ ჯერზე იბზარება.

დიდუბე-ჩუღურეთის მხარე განსაკუთრებით ცნობილია თავისი ძველი სახლებით და ყველასთვის ცნობილია არაერთი ფატალური შემთხვევა, რომელიც ზუსტად ავარიულ ბინებს უკავშირდება!!!!

ვიწერები ამას რადგან მსგავს სახლში ცხოვრება სიცოცხლისთვის საშიშია ასეულობით ადამიანისთვის, რადგან ოჯახებით ცხოვრობს აქ ხალხი.

იატაკი 6 სანტიმეტრით დაშორებულია კედლებისგან, სახლი პრაქტიკულად ჰაერში დგას და პიზის კოშკივით გადახრილია!!!!ვის მივმართო? რა შეიძლება რომ გავაკეთოთ ამ შემთხვევაში?ფოტოები კონკრეტულად ჩემი ბინიდან არის, იმის ნახევარიც არ მაქვს გადაღებული რაც სახლებში ხდება ....", - წერს ფეისბუკმომხმარებელი.

ასევე დაგაინტერესებთ:

* საქართველოსა და ჩრდილოეთ მაკედონიის ნაკრებთა დაპირისპირება 20:00 საათზე დაიწყება - შეხვედრაზე დასასწრები ყველა ბილეთი გაყიდულია

* "რუსეთიდან გამოქცეული დეზერტირები არ უნდა შემოვუშვათ! - ხომ უხაროდათ 2008-ში საქართველოს და 2014-15 წლებში უკრაინის დაჩაგვრა" - ალეკო ელისაშვილი