"თქვენს გვერდით ყოფნა საამაყო და სასიამოვნოა" - რას წერს ამირან გამყრელიძეზე საზოგადოებრივი ჯანდაცვის პიარი?!

დაავადებათა კონტროლის საზოგადოებასთან ურთიერთობის სამსახურის უფროსი ნინო მამუკელაშვილი, ცენტრის დირექტორის ამირან გამყრელიძესთან დაკავშირებით სოციალურ ქსელში ვრცელ პოსტს აქვეყნებს და წერს:

"ბატონო ამირან,

წილად მხვდა ბედნიერება ამ ათი წლის განმავლობაში თქვენს გვერდით ვყოფილიყავი ყოველდღიურად, მესწავლა და დამენახა თქვენგან ქვეყნისადმი და თითოეული ადამიანისადმი სიყვარული, მათზე ფიქრი და ზრუნვა, საქმისადმი სიყვარული და პასუხისმგებლობა. ამისთვის უფალს მადლობას ვწირავ.

მადლობას გიხდით ყველაფრისათვის: დიდი ადამიანობისათვის, უკიდეგანო განათლების, სიღრმისეული ცოდნის, გამოცდილების, პროფესიონალიზმის გაზიარებისთვის და სწავლისათვის, თავმდაბლობისათვის, იმ სიყვარულისათვის, რომელსაც თითოეული ჩვენთაგანის მიმართ იჩენდით, მომავალ თაობაზე ზრუნვის, მათი განათლების და განვითარებისათვის, თქვენი ღირსებისთვის. 

თქვენს გვერდით ყოფნა ხომ საამაყო და სასიამოვნოა.

სულ ვფიქრობდი ყველა დადებითი თვისება, როგორ შეიძლებოდა, რომ ამ ერთ ადამიანში იყოს თქო. მაგრამ თქვენ ხომ მართლაც ,,ეპოქალური ადამიანი“ ბრძანდებით. 
მოწიწებით, სიყვარულით, პატივისცემით ქედს ვიხრი თქვენს წინაშე.

თქვენ ხომ მაგალითი ბრძანდებით მომავალი თაობისათვის.

მეამაყებით! და კიდევ ერთხელ დიდი მადლობა ყველაფრისათვის <3 <3 Amiran Gamkrelidze" , - წერს ნინო მამუკელაშვილი.

ასევე დაგაინტერესებთ:

🔵 საგამოძიებო სამსახური: "სარფის" საბაჟოდან ოქროს საიუველირო ნაკეთობები მალულად შემოიტანეს

🔵 "აბა, ომი გინდაო - ეთქვათ ერთი დავითისთვის და სადამდე გაასწრებდნენ, კი ვნახავდი სიამოვნებით" - ალეკო ელისაშვილი

🔵 პრემიერი: ქვეყნისა და ხალხის ერთიანობით, სამშობლოსთვის ყოველდღიური შრომით შევძლებთ ყველაზე დიდ გამოწვევათა დაძლევას, ერის გაერთიანებას და ქვეყნის გამთლიანებას