Exclusivetv.ge-ის ახალი სპორტული საინფორმაციო პროექტი იტალიაში მცხოვრები ქართველი ემიგრანტებისთვის

საემიგრაციო მედიაპლატფორმა Exclusivetv.ge იწყებს ახალ სპორტულ საინფორმაციო პროექტს, იტალიაში მცხოვრები ქართველი ემიგრანტებისთვის.

პროექტის მიზანია მეტი შეიტყოს ქართულმა დიასპორამ მათი ქალაქის სპორტული ცხოვრების, სპორტული კლუბების (საფეხბურთო, საკალათბურთო, სარაგბო და ა.შ) და წარჩინებული სპორტსმენების შესახებ. 

ჩვენი ჟურნალისტები ალექსანდრე ნიქაბაძე და ია ლალუაშვილი ყოველკვირეულად მოგიყვებიან და შემოგთავაზებენ ექსკლუზიურ რეპორტაჟებს სხვადასხვა ქალაქის სპორტული ცხოვრების შესახებ, ახლოდან დაგანახვებენ ევროპულ ინფრასტრუქტურას, დიდი და პატარა კლუბების შიდა სტრუქტურის, ბავშვთა აკადემიის ფუნქციონირების პრინციპებს. 

აღნიშნული პროექტით დავეხმარებით ქართველ ემიგრანტებს მეტი ინფორმაცია მიიღონ საინტერესო სპორტულ საკითხებზე, გავუადვილოთ გადაწყვეტილება თავიანთი შვილების სპორტით დაკავების შესახებ მათსავე საცხოვრებელ ქალაქებში, ასევე ეს პროექტი დაეხმარება საქართველოში მცხოვრებ ჩვენს სპორტსმენებს თუ სპორტის ფუნქციონირებს მეტი იცოდნენ ევროპულ სპორტზე და სპორტული კლუბების განვითარების ეტაპებზე. 

პატივისცემით, Exclusivetv.ge-ს გენერალური დირექტორი და ჟურნალისტი იტალიაში, ხათუნა შარაძე.