რა წერია შეტყობინებაში, რომელიც ხვიჩა კვარაცხელიას მარადონას შვილმა მისწერა?

უმცროსმა დიეგო მარადონამ ქართველი ტალანტის, ხვიჩა კვარაცხელიას შესახებ ისაუბრა. აღნიშნა, რომ ხვიჩას პირადად არ იცნობს, თუმცა, მათ სოციალურ ქსელში რამდენჯერმე მიმოწერა ჰქონდათ.

„ვიცოდით, რომ ხვიჩა ძლიერი ფეხბურთელი იყო, მაგრამ პირველივე სეზონში, იტალიის სერია A-ში, გუნდში თამაში რომელსაც სკუდეტოს მოგება უნდა, რომელიც ჩემპიონთა ლიგაზე ასპარეზობს, ადვილი არაა.

ამიტომ მისგან წინსვლას უფრო პატარა ნაბიჯებით ველოდით, მაგრამ მალევე დაამტკიცა, რომ უძლიერესია. საოცარი თვისებებით გამოირჩევა. მან თავისი შედეგით და თამაშით აჩვენა, რომ მაგარი ფეხბურთელია. ის მოედანზე ლიდერი გახდა, რადგან დაამტკიცა, რომ განსხვავებულია. ამის მოპოვება მხოლოდ მოედანზეა შესაძლებელი.

პირადად ჯერ ვერ გავიცანი, მაგრამ Instagram-ის მეშვეობით რამდენჯერმე ერთმანეთს დავუკავშირდით. იტალიური უნდა ისწავლოს, რადგან მე არც ინგლისური მესმის და არც ქართული. იმედი მაქვს, „ნაპოლში“ დიდხანს დარჩება, რადგან საოცარი ფეხბურთელია. დიეგო მარადონას ძალიან მოეწონებოდა, რადგან განსაკუთრებული თვისებებით გამოირჩევა.

პირადად მას ვეტყოდი, რომ „ნაპოლში“ დიდხანს დარჩეს, აქ თავს კარგად იგრძნობს.“ - თქვა მარადონამ „ჯეო თიმთან“ ინტერვიუში.

ასევე დაგაინტერესებთ:

🔵ზოდიაქოს 5 ნიშანი, რომლებსაც 2023 წელს განსაკუთრებული წარმატება ელოდებათ

🔵"გულმოკლულები ვართ, კაცი დაიფერფლა" - გორში, ხანძარს 45 წლის კაცი ემსხვერპლა