საქართველოს ახალგაზრდული ნაკრები ევროპის ჩემპიონია!

ნიდერლანდების ქალაქ ჰააგაში მიმდინარე ევროპის ახალგაზრდულ ჩემპიონატზე ძიუდოში ტურნირის ბოლო დღეს მედლები შერეულ გუნდებს(გოგონები, ვაჟები) შორის გათამაშდა და საქართველოს ნაკრებმა ევროპის ჩემპიონობა იზეიმა. 

ჩვენმა ახალგაზრდა ძიუდოისტებმა მერვედფინალში საბერძნეთი 4:1 დაამარცხეს-თავიანთი შეხვედრები მოიგეს: ეთერ ასკილაშვილმა, თამაზ კობერიძე, გიორგი ბადუაშვილმა და ნინო ლოლაძემ, ერთადერთი მარცხი მხოლოდ ნინო პაპიძემ განიცადა. იგივე ანგარიშით 4:1 დავამარცხეთ მეოთხედფინალში პორტუგალია-მოიგეს ნინო პაპიძემ, შალვა გურეშიძემ, ნინო ლოლაძემ და კოტე კაპანაძემ, დამარცხდა თამაზ კობერიძე. 

ნახევარფინალში ტურნირის პირველი ნომერი საფრანგეთის ნაკრებიც დამაჯერებლად დავამარცხეთ 4:2-მოიგეს ნინო ლოლაძემ, შალვა გურეშიძემ, გიორგი ტერაშვილმა და თამაზ კობერიძემ, დამარცხდა ნინო პაპიძე და ეთერ ასკილაშვილი.

ფინალში ჩვენი მეტოქე მასპინძელი ნიდერლანდების ნაკრები იყო და ასევე იოლად 4:1 გავიმარჯვეთ და დარბაზში ქართული ჰიმნი აჟღერდა-მოიგეს შალვა გურეშიძემ, ეთერ ასკილაშვილმა, გიორგი ტერაშვილმა და თამაზ კობერიძემ, დამარცხდა ნინო ლოლაძე. 

ამრიგად, როგორც პირად პირველობაში, ასევე გუნდურში საქართველოს ნაკრებისთვის წარმატებული ევროპის ჩემპიონატი იყო. შეგახსენებთ, პირად პირველობაში ჩემპიონობა იზეიმეს თენგო ზირაქაშვილმა(66კგ), გიორგი ტერაშვილმა(73კგ) და შალვა გურეშიძემ(+100კგ), ხოლო ლუკა ბაბუციძემ(81კგ) ბრინჯაოს მედალი დაისაკუთრა.