საქართველოს ნაკრების წევრებს უკრაინელმა მოციგურავეებმა ხელი არ ჩამოართვეს

უნგრეთის დედაქალაქ ბუდაპეშტში გამართულ იუნიორთა გრან-პრიზე უკრაინელმა მოციგურავეებმა სეროვამ და ივან ხობტამ ქართველ დუეტს ანასტასია მეტელკინას და ლუკა ბერულავას გამარჯვება არ მიულოცეს. თავად უკრაინელებმა ამ ტურნირზე მეორე ადგილი დაიკავეს. 

დაჯილდოების ცერემონიაზე მეტელკინა და ბერულავა ბრინჯაოს მედალოსნებს-მარტინ არიონო კენტისა ჩარლზ ლალიმბერტე-ლორანის კანადურ დუეტს ჩაეხუტნენ, შემ­დეგ კი სე­რო­ვა­სა და ხობტას მი­უ­ახ­ლოვ­დნენ, რათა მეტოქეებისთვის ვერ­ცხლის მე­და­ლი მიელოცათ, მაგ­რამ უკ­რა­ი­ნელ­მა წყვილ­მა ქარ­თვე­ლე­ბის მი­ლოც­ვა არ მიიღეს. 

ბე­რუ­ლა­ვა პერმ­ში და­ი­ბა­და და საქართველოს ნაკ­რების შემადგენლობაში  2019 წლი­დან ასპარეზობს. მეტელკინა ვლადიმირიდანაა და სა­ქარ­თვე­ლოს ნაკ­რე­ბს 2020 წელს შე­უ­ერ­თდა. წყვილი რუს მწვრთნელ პა­ველ სლიუსარენკოსთან ერ­თად ვარ­ჯი­შობს. 

მიმ­დი­ნა­რე წლის აპ­რილ­ში უკ­რა­ი­ნამ აუკ­რძა­ლა თა­ვის სპორ­ტსმე­ნებს მონაწილეობა იმ შე­ჯიბ­რე­ბებ­ში, რომლებშიც რუ­სე­ბი და ბე­ლო­რუ­სე­ბი არი­ან დაშ­ვე­ბუ­ლი, მა­ში­ნაც კი, თუ ისი­ნი ნე­იტ­რა­ლუ­რი დრო­შის ქვეშ ასპარეზობენ, მაგრამ გა­და­წყვე­ტი­ლე­ბა ივ­ლის­ში შეც­ვა­ლეს.

უკ­რა­ი­ნის ჭად­რა­კის ფე­დე­რა­ცი­ა კიდევ უფრო შორს წავიდა და ეროვ­ნუ­ლი ნაკრების წევ­რებს რე­კო­მენ­და­ცია მის­ცა, თავი შე­ი­კა­ვონ ხე­ლის ჩა­მორ­თმე­ვის­გან და არ გა­და­ი­ღონ ფო­ტო­ე­ბი რუს და ბელორუს სპორ­ტსმე­ნებ­თან, მიუხედავად იმი­სა, თუ რომელი ქვეყნის დროშით ასპარეზობენ ისი­ნი.

სექტემბრის დასაწყისში მეტელკინა-ბერულავას წყვილმა ასევე გრან-პრის ეტაპი მოიგეს სტამბოლში.