24 საათში, რუსმა სამხედროებმა უკრაინის ტერიტორიაზე, სამხედრო და სამოქალაქო ობიექტებზე განახორციელეს 2 სარაკეტო და 25 საავიაციო დარტყმა და 11 შეტევა ზალპური ცეცხლის რეაქტიული სისტემების გამოყენებით - უკრაინის გენშტაბი

უკრაინის შეიარაღებული ძალების გენერალური შტაბის მიერ დღეს დილით გავრცელებული ინფორმაციით, ბოლო 24 საათში, რუსმა სამხედროებმა უკრაინის ტერიტორიაზე, სამხედრო და სამოქალაქო ობიექტებზე განახორციელეს 2 სარაკეტო და 25 საავიაციო დარტყმა და 11 შეტევა ზალპური ცეცხლის რეაქტიული სისტემების გამოყენებით.

გენშტაბის ცნობითვე, უკრაინის თავდაცვის ძალებმა მოწინააღმდეგის იერიშები წარმატებით მოიგერიეს დონეცკის ოლქის 7 დასახლებულ პუნქტთან: ბახმუტთან, ბახმუტსკოესთან, ზაიცევოსთან, ვოდიანოესთან, კრასნოგოროვკასთან, ბეზიმიანნოესა და ნოვოგრიგორიევკასთან.

უკრაინის არმიის სარდლობის განცხადებით, მოწინააღმდეგე ახდენს ძალისხმევის კონცენტრირებას დონეცკის ოლქის მთელ ტერიტორიაზე კონტროლის დასამყარებლად, დროებით მიტაცებული რაიონების შესანარჩუნებლად და სხვადასხვა მიმართულებით უკრაინელი სამხედროების შეტევის ჩასაშლელად.

უკრაინის შეიარაღებული ძალები სექტემბრის დასაწყისიდან გადავიდნენ ინტენსიურ კონტრშეტევაზე ქვეყნის სამხრეთსა და აღმოსავლეთში. გასულ ღამით, უკრაინელებისადმი ვიდეომიმართვისას პრეზდენტმა ვოლოდიმირ ზელენსკიმ განაცხადა, რომ სექტემბრის პირველი რიცხვებიდან უკრაინელმა სამხედროებმა გაათავისუფლეს 6 ათას კვადრატულ კილომეტრზე მეტი ტერიტორია და წინსვლას განაგრძობენ.

ასევე დაგაინტერესებთ:

🔵13 სექტემბერს ქვეყნის თითქმის ყველა რეგიონში იწვიმებს - ამინდის პროგნოზი ქალაქების მიხედვით

🔵რა გელოდება დღეს? - 13 სექტემბრის ასტროლოგიური პროგნოზი