დედიკოს ბიჭები: “დადგა ტანკთან და პოზიორობს, მეტი საქმე არააქვს?” - გადავედი საქმეზე - დომენიკ მანგო

უკრაინაში მოხალისედ წასული სამოქალაქო აქტივისტი კუკური ბარამიძე იგივე დომენიკ მანგო სოციალურ ქსელში წერს:

„დედიკოს ბიჭების სტანდარტული ფრაზები “თქვენ მანდ სურათების და ვიდეოების გადასაღებად წახვედით”

დედიკოს ბიჭები: “არ ხარ უკრაინაში, სურათი გადაიღე ტანკთან” - გადავიღე

დედიკოს ბიჭები: “დადგა ტანკთან და პოზიორობს, მეტი საქმე არააქვს?” - გადავედი საქმეზე

დედიკოს ბიჭები: “ომს გაექცა და ქალებს და ბავშვებს აფარებს თავს” - შევასრულე ევაკუაციის გეგმის ორგანიზება

დედიკოს ბიჭები: “ფულს შოულობს”

ახლა კი რეალურად: რომ არა სოციალური ქსელი და საშუალება იმისა, რომ არსებული საჭიროებების შესახებ ხმა მიმეწვდინა ხალხისთვის, მინიმუმ აქამდე ვერ ჩამოაღწევდა ქართველი მეომრები და ათეულობით მშვიდობიანი მოქალაქე ჩარჩებოდა რისკქვეშ უკრაინაში. დედიკოს ბიჭების “სემიჩკის” კნატუნის ფონზე, სანამ ისინი კომპიუტერის კლავიატურაზე აკაკუნებენ, ერთხელ მაინც რომ დამეჯერებინა მათთვის, ახლა ყველაფერი ეს არ იქნებოდა.

ერთს დავამატებ კიდევ. ქართველები აქ მოწოდების სიმაღლეზე დგანან. ომის წესის გამო ვერ ვყვები ამბებს, თორემ აღფრთოვანებით ვარ აღსავსე ამათ შემხედვარე. სურათის გადაღებას ნუ დააყვედრებთ აქ ჩამოსულ ადამიანებს, რადგან ისინი ეპოქალურ საქმეში იღებენ მონაწილეობას და აქცთ უფლება ამ საქმით იამაყონ. ყველამ იცის ომის პროტოკოლი, იმ სურათებში არაფერი ისეთი არ გამოჩნდება, რაც არ უნდა გამოჩნდეს. თუმცა დედიკოს ბიჭებს ეს არ აღელვებს, მათ უბრალოდ არ უნდათ, მათი “სემიჩკის” კნატუნის ფონზე, ვინმე მეტად გამოჩნდეს.

ასე რომ აკაკუნეთ კლავიატურაზე დედიკოს ბიჭებო, ყეფეთ, ჩვენი ქარავანი კი ჩაგიქროლებთ“,-წერს, დომენიკ მანგო.

ასევე დაგაინტერე­­­­სებთ:

🔵კობა ნაყოფია ხომ ნაცმოძის თავმჯდომარეა? ნაყოფია ხომ რუსეთის მოქალაქეცაა? იმ ქონებას რას უშვრება რაც მოსკოვში აქვს? - ლადო სადღობელაშვილი

🔵უკრაინაში სუროგატი დედების გაჩენილი ბავშვები თავშესაფარში მოხვდნენ (ფოტოკოლაჟი)

🔵ზურაბ ბატიაშვილი: მოსკოვიდან აფრენილი თვითმფრინავი, რომელიც სავარაუდოდ სირიაში მიფრინავდა, თურქეთმა არ შეუშვა და უკან გაბრუნდა