"ერთი მხრივ უკრაინაში დარჩენა და ქმართან ახლოს ყოფნა მინდოდა და მეორე მხრივ 6 თვის შვილის უსაფრთხოებაზე უნდა მეზრუნა"- საბერძნეთში ჩამოსული უკრაინელი ლტოლვილის ემოციური ინტერვიუ

უკრაინაში საომარი მოქმედებები კვლავ გრძელდება და სიტუაცია უკიდურესად დაძაბულია, გაეროს ბოლო ანგარიშის მიხედვით, უკრაინიდან იძულებით გადაადგილებულ ადამიანთა რაოდენობამ 1 მილიონს გადააჭარბა.

უკრაინელი, დედები ბავშვებით და მოხუცები, ცდილობენ თავი დააღწიონ ომის სისასტიკეს და ნებისმიერი ხელმისაწვდომი გზით უსაფრთხო ქვეყნებში გადაინაცვლონ, მათ შორის საბერძნეთში.

ისინი საკუთარ სამშობლოს ტოვებენ იმ იმედით, რომ მალე ყველაფერი დასრულდება და უკან დაბრუნდებიან.

ერთ-ერთი ასეთი,  საკუთარი ქვეყნიდან იძულებით გადაადგილებული " ლტოლვილი" არის 30 წლის ლიანა, რომელმაც სამშობლო, ქმარი და მათი სახლ-კარი, 6 თვის შვილის უსაფრთხოების გამო დატოვა და საბერძნეთში მცხოვრებ დედასთან ჩამოვიდა. 

საბერძნეთში ჩამოსვლის დღიდან, ის გამუდმებით სამშობლოში დარჩენილ თანამემამულეებზე ფიქრობს, ახლა ლიანას ყველაზე მეტად ბავშვის დედასთან დატოვება და სამშობლოში საომრად დაბრუნება სურს.

ლიანას ბერძნული მედიის "პროტოთემას" ჟურნალისტი ესაუბრა. 

როგორც ის ჟურნალისტთან აცრემლებული ჰყვება, ყველა ყველაფერი რამდენიმე საათში შეიცვალა, რადგან ქალაქი, რომელიც ადმინისტრაციულად მის სოფელს ეკუთვნის იყო პირველი, რომელსაც რუსეთი არმიამ დაარტყა.

როგორც ის ამბობს მას ქვეყნის დატოვება არ სურდა და ეს ნაბიჯი მხოლოდ 6 თვის შვილის უსაფრთხოების გამო გადადგა.

"არ ვიცოდი რა მექნა, ერთი მხრივ უკრაინაში დარჩენა და ქმართან ახლოს ყოფნა მინდოდა და მეორე მხრივ ჩემს 6 თვის შვილზე ვფიქრობდი, რომელიც კოშმარიდან უნდა დამეხსნა. ამიტომ დედაჩემის რჩევის შემდეგ გადავწყვიტე მასთან აქ, საბერძნეთში ჩამოვსულიყავით. 

მაგრამ მე მინდა დავბრუნდე და ვიბრძოლო უკრაინისთვის და ჩემი თანამემამულეებისთვის.

მინდა დავბრუნდე, არცერთი ჩვენგანი არ იმსახურებს ყველაფერს, რაც მოხდა.

ომში 15 წელზე უფროსი ასაკის გოგონები და ბიჭები მონაწილეობენ. სამხედრო სამსახურები ამ ადამიანების რეგისტრაციისთვის მონაცემებს ვერ აგროვებენ.

მე მაქვს ინფორმაცია, რომ ბევრმა უკრაინელმა კაცმა დატოვა საბერძნეთი, რათა  წასულიყვნენ სამშობლოში საბრძოლველად.

სერიოზულად ვფიქრობ, შვილი აქ დავტოვო და დავბრუნდე, თუმცა ვიცი, რომ ჩემი ოჯახი ამის უფლებას არ მომცემს. საიდანაც არ უნდა ვიყოთ მე და ყველა უკრაინელი, ვინც ჩვენი ქვეყანა წავიდა, ჩვენ ვლოცულობთ მშვიდობისთვის.

ჩვენ გვაქვს ღმერთის დიდი რწმენა და ყოველდღე ვევედრებით მას მშვიდობას.

სიგიჟეა ის, რაც ხდება ქრისტიანები კლავენ ქრისტიანებს, მეგობრები კლავენ მეგობრებს "- ამბობს 30 წლის ლიანა ჟურნალისტთან და აღნიშნავს რომ მას არასოდეს დაავიწყდება ის საათები, როდესაც უკრაინის დატოვების დროს სხვა უკრაინელ დედებთან და ბავშვებთან ერთად სამშობლოსთვის ლოცულობდნენ.

ლიანა, 30 წლის უკრაინიდან

ასევე საინტერესოა

🔵უკრაინიდან იძულებით გადაადგილებულ ადამიანთა რაოდენობამ 1 მილიონს გადააჭარბა (ფოტორეპორტაჟი)

🔵ოკუპანტები უკრაინელ ბავშვებს კლავენ, შეგნებულად და ცინიკურად - ოლენა ზელენსკა

🔵Tommy Hilfiger, Calvin Klein, Warner's რუსეთს ტოვებენ