EuropaToday - “ის რაც ხდება უკრაინაში უკვე მოხდა საქართველოში! ვინ იქნება შემდეგი?”

იტალიურენოვანი EuropaToday აქვეყნებს სტატიას სათაურით - “ის რაც ხდება უკრაინაში უკვე მოხდა საქართველოში! ვინ იქნება შემდეგი?” და ჰყვება, როგორ დაიწყო 2008 წლის აგვისტოს ომი და როგორ ზედმიწევნით იმეორებს პუტინი საქართველოში განხორციელებულ მოქმედებებს.

ის რაც უკრაინაში ხდება, ნაბიჯ-ნაბიჯ გამეორებაა იმ გეგმის, რაც რუსეთმა საქართველოში, ევროპის XXI საუკუნის პირველ კონფლიქტში 2008 წელს საქართველოში განახორციელა. დღეს, ისევე როგორც მაშინ, თვალწინ გვაქვს NATO-ში შესვლის მსურველი ქვეყანა, რომლის ტერიტორიების ნაწილსაც აკონტროლებენ პრორუსული სეპარატისტული ძალები, რომლებიც დახმარებას მოსკოვს სთხოვს და კრემლიც აკმაყოფილებს მათ მოთხოვნას მშვიდობის სახელით. მაშინ ვლადიმერ პუტინი რუსეთის პრემიერმინისტრი იყო, ახლა ქვეყნის პრეზიდენტია.

საქართველოში ომი დაიწყო (ე.წ.) სამხრეთ ოსეთში განხორციელებული მცირე მოქმედებებით. შეგახსენებთ, რომ ე.წ. სამხრეთ ოსეთმა და აფხაზეთმა, რუსეთის დახმარებით 90-იან წლებში დამოუკიდებლობა გამოაცხადეს. ნელ-ნელა რუსეთმა გააძლიერა სეპარატისტული ძალები, ეხმარებოდა ეკონომიკურად და გაავრცელა რუსეთის მოქალაქეობა ამ ტერიტორიებზე. სწორედ ეს გააკეთა მოსკოვის უკრაინაში 2014 წელს დონეცკისა და ლუგანსკის თვითაღიარებულ რესპუბლიკებში.

(ე.წ.) სამხრეთ ოსეთში ომის დაწყების საბაბი, სეპარატისტებსა და ქართულ ძალებს შორის მცირე შეტაკებები გახდა. ოფიციალური თბილისი და საერთაშორისო თანამეგობრობა ყოველთვის სეპარატისტებს ადანაშაულებდნენ ცეცხლის გახსნაში. პუტინი პირიქით, თბილისს ადანაშაულებდა რომ მისი სამიზნე პრორუსი ეროვნული უმცირესობები იყვნენ. სწორედ ეს მიზეზი გამოიყენა პუტინმა, რომ მშვიდობის დაცვის ეგიდით, ამ ტერიტორიებზე შესულიყო. 

ამ ყველაფრის დონბასთან პარალელის გავლება, ძალიან მარტივია. ყოველ შემთხვევაში ჯერჯერობით. (ე.წ.) სამხრეთ ოსეთში ომი რამდენიმე დღე გაგრძელდა. 

საფრანგეთის მაშინდელმა პრეზიდენტმა ნიკოლა სარკოზიმ (ევროკავშირის სახელით, კიდევ ერთი მსგავსება დღევანდელ ვითარებასთან) საომარი მოქმედებების ოფიციალური დაწყებიდან 12 დღის შემდეგ მოახერხა სამშვიდობო შეთანხმების მიღწევა.

როგორც Reuters-ი იხსენებს, რუსეთმა "გამოიყენა ეს კონფლიქტი და სეპარატისტული რეგიონების აღიარება, რათა გაემართლებინა განუსაზღვრელი ვადით და დოზით სამხედრო ძალებით ყოფნა ახლომდებარე ყოფილ საბჭოთა რესპუბლიკაში, რათა ასევე განუსაზღვრელი ვადით დაჰპირისპირებოდა საქართველოს NATO-ში მისწრაფებებს და უარი ეთქვა საკუთარი ტერიტორიის სრულ კონტროლზე". ფაქტობრივად, მოსკოვმა მოახერხა ევროატლანტიკურ ალიანსში საქართველოს შესვლის პროცესის გაყინვა. მიაღწევს თუ არა იგივე წარმატებას რუსეთი უკრაინასთან?

სხვა სიახლეები:

📌 პრორუსი მატეო სალვინი პუტინის სამხედრო აგრესიას გმობს

📌 იტალიის პრემიერი: "იტალიის მთავრობა გმობს რუსეთის თავდასხმას უკრაინაზე"

📌 UEFA ჩემპიონთა ლიგის ფინალს რუსეთში აღარ გამართავს