კიევიდან კიბოთი დაავადებული რამდენიმე ბავშვის ევაკუაცია განხორციელდა, ნაწილის მდგომარეობა ევაკუაციას არ ექვემდებარება

კიევიდან კიბოთი დაავადებული რამდენიმე ბავშვის ევაკუაცია განხორციელდა. ამ დროისთვის ევაკუირებულთა რიცხვს 4 შეადგენს, თუმცა მათი რაოდენობა მეტია.

კიბოთი დაავადებული ოთხი  ბავშვი და მათი ოჯახები, სასწრაფოდ იქნა ევაკუირებული კიევიდან, გუშინ ღამით უკრაინის ქალაქ ტერნოპილში, რადგან კიევი "ზედმეტად საშიში" გახდა.

კიბოს ინსტიტუტში 25, ხოლო ნეიროქირურგიის ინსტიტუტში 20 ბავშვი დარჩა, რადგან მათი მდგომარეობა არ ექვემდებარებოდა ტრანსპორტირებას. 

ამის შესახებ არასამთავრობო ორგანიზაცია Soleterre Foundation-მა განაცხადა, რომელიც 2003 წლიდან მუშაობს უკრაინაში სიმსივნით დაავადებული ბავშვების დახმარების ცენტრში.

„კიევში ყოფნა უსაფრთხო აღარ არის, დაბომბვები გრძელდება და ჩვენი პაციენტების ჯანმრთელობა საფრთხეშია. ჩვენი თავშესაფრის სარდაფი, ძალიან სახიფათოა, ბავშვები შეშინებულები არიან და ჩვენი პრიორიტეტია მათი განრიდება, რათა უსაფრთხო გარემოში გააგრძელონ სიცოცხლის შენარჩუნებისთვის საჭირო მკურნალობა. ამ მიზეზით, 24 თებერვლის ღამეს გადავწყვიტეთ პირველი 4 ოჯახის გადაუდებელი ევაკუაცია ტერნოპოლის თავშესაფრიდან, სადაც არის საავადმყოფო, რომელსაც შეუძლია გააგრძელოს პაციენტებზე ზრუნვა.“

„ონკოლოგიური დაავადებების მქონე ბავშვები -  ებრძვიან ორ ომს: ერთი კიბოს და მეორე რუსეთის შემოსევას.“ წერია გავრცელებულ ინფორმაციაში. 

სხვა სიახლეები:

📌 „გულს მიჩუყებს ასეთ მდგომარეობაში მყოფი ზელენსკი, რაღაც მომენტში მაინც რომ იცლის და ჩვენს უბრალოდ რუსთაველის გამზირზე მისვლას ეხმაურება“ - ნიკოლოზ რაჭველი

📌 "თითქოს სადღაც ხარ მაგრამ რეალურად არსად არ ხარ, რადგან შენი სახლის კარი შენთვის აღარ არის ღია" - ნათია თოდუა რუსეთ-უკრაინის ომზე

📌 “თავი ყველას თავისუფალი ჰგონია, რადგან ქუჩაში ყვირილის უფლება აქვს“ - „ოქროს საწმისი“