„სპეციალური სამხედრო ოპერაცია" გეგმის მიხედვით მიდის“ - მარია ზახაროვა

რუსეთის საგარეო საქმეთა სამინისტროს სპიკერი მარია ზახაროვა აცხადებს, რომ „სპეციალური სამხედრო ოპერაცია“ (როგორც კრემლი უწოდებს რუსეთ-უკრაინის ომს - რედ.) „გეგმის მიხედვით მიდის“.

ამის შესახებ მან დღეს, სამინისტროში გამართულ ბრიფინგზე ისაუბრა.

„რუსეთის შეიარაღებული ძალების სპეცოპერაცია გრძელდება... ის გეგმის მიხედვით მიმდინარეობს“, - განაცხადა ზახაროვამ.

უკრაინული წყაროების მიხედვით, რუსეთ-უკრაინის სრულმასშტაბიანი ომის დაწყებიდან დღემდე, უკრაინის შეიარაღებულმა ძალებმა გაანადგურეს მტრის ჯარის 12 ათასზე მეტი ადამიანი.

პენტაგონი აცხადებს, რომ რუსული არმია უკრაინაში დიდი რაოდენობით სამხედრო ტექნიკას კარგავს.  12 დღეში განადგურდა  სამხედრო აქტივების  10%-მდე.

Bellingcat-ის გამომძიებელი რეპორტიორი ხრისტო გროზევი ვარაუდობს, რომ პუტინს არ აწვდიან რეალურ ინფორმაციას ომში დანაკარგების შესახებ. მისი თქმით, რუსული პროპაგანდა საკმაოდ ეფექტურად მუშაობს თავისი აუდიტორიისთვის, მაგრამ ფაქტობრივად ნულოვანი გავლენა აქვს უცხოელი აუდიტორიაზე.

რუსეთში არის ელიტა, რომელიც უკმაყოფილოა იმით, რაც ხდება, დასძინა გროზევმა. პუტინის გარემოცვიდან ბევრი  ადამიანისთვისაც კი, რომელიც არ იყო სამხედროთა სიაში, ეს ომი მოულოდნელი აღმოჩნდა.

ასევე დაგაინტერე­­­­სებთ:

🔵არაა საჭირო მარილის, შაქრის და სხვა საქონლის მომარაგება - რომან გოცირიძე

🔵რუსი ჯარისკაცები იძულებულნი იქნებიან ან მიატოვონ აღჭურვილობა ან ისხდნენ „40 ტონიანი რკინის საყინულეებში“ - The Times

🔵რუსმა სამხედროებმა, უკრაინაში შეჭრიდან 13 დღის განმავლობაში გამოყენებული სამხედრო აქტივების 8%-დან 10%-მდე დაკარგეს - CNN