უკრაინის რუსული ეკლესიის ჩერკასის მიტროპოლიტი თეოდოსი სასამართლოზე სახელმწიფოს ღალატის ბრალდებით წარდგება

უკრაინის რუსული ეკლესიის ჩერკასის მიტროპოლიტი თეოდოსი სასამართლოზე სახელმწიფოს ღალატის ბრალდებით წარდგება.

ამის შესახებ განცხადებას უკრაინის უშიშროების სამსახური ავრცელებს.

“უკრაინის უშიშროების სამსახურმა შეაგროვა უტყუარი მტკიცებულებები ჩერკასის ეპარქიის მეთაურის დანაშაულის შესახებ.

სასულიერო პირებსა და მორწმუნეებს შორის საჯარო განცხადებებში და ოფიციალურ კომენტარებში მიტროპოლიტი ავრცელებს მოწოდებებს, რომლებიც არღვევს მოქალაქეთა თანასწორობას მათი რასობრივი, ეროვნული, ეთნიკური და რწმენის მიხედვით.

გარდა ამისა, დადგინდა, რომ მისი ხელმძღვანელობით ეპარქიის უწყებრივი ვებგვერდის ადმინისტრატორი აქვეყნებდა მტრულ მასალებს რუსეთის მართლმადიდებლური ეკლესიის პროპაგანდისტული საიტებიდან, მათ შორის "patriarchia.ru" და "pravmir.ru". ამ პუბლიკაციებში აგრესორი ქვეყნის წარმომადგენლები ავრცელებდნენ რასიზმის იდეებს და კრემლის რეჟიმის პოპულარიზაციას. ამრიგად, მათ ხელი შეუწყვეს რეგიონში შიდა ვითარების გამწვავებას რელიგიური მტრობის გაღვივებით.

მიტროპოლიტის რეზიდენციისა და ეპარქიის შენობის ჩხრეკისას სამართალდაცავებმა აღმოაჩინეს:

კომპიუტერული ტექნიკა და მობილური ტელეფონები;

ქსელის მონაცემთა ბაზა;

კრიმინალური ქმედებების დამადასტურებელი ბეჭდური მასალები.

ამჟამად, უკრაინის მართლმადიდებელი ეკლესიის - მოსკოვის საპატრიარქოს ჩერკასის ეპარქიის ხელმძღვანელს ეცნობა ბრალის წაყენების შესახებ. უკრაინის სისხლის სამართლის კოდექსის 161-ე მუხლიყ (მოქალაქეთა თანასწორობის დარღვევა მათი რასის, ეროვნების, რელიგიური კუთვნილების, რელიგიური მრწამსის, ინვალიდობის და სხვა საფუძვლების მიხედვით).

გამოძიება ყველა დამნაშავე პირის პასუხისგებაში მიცემის მიზნით მიმდინარეობს.

საგამოძიებო და ოპერატიული მოქმედებები ჩერკასის რაიონში უკრაინის უშიშროების სამსახურის თანამშრომლებმა პროკურატურის პროცედურული ხელმძღვანელობით ჩაატარეს” - ნათქვამია უწყების მიერ გავრცელებულ განცხადებაში.

მოსალოდნელი სასჯელი, რომელსაც უკრაინის სასამართლო ჩერკასის მიტროპოლიტს შეუფარდებს უკეთეს შემთხვევაში თავისუფლების აღკვეთა, უარეს შემთხვევაში მოქალაქეობის ჩამორთმევა და რუსეთში დეპორტაცია იქნება.

აღსანიშნავია ის ფაქტიც, რომ ჩერკასის მიტროპოლიტი თეოდოსი უკრაინის რუსული ეკლესიის კიევის სემინარიის ლექტორია.

წყარო: მსოფლიო საეკლესიო სიახლენი

ასევე დაგაინტერესებთ:

* "სურსათის ფასებთან დაკავშირებით მომზადდება ევროდირექტივის შესაბამისი კანონპროექტი" - პრემიერის თქმით მთავრობა პროდუქტებზე, ფასების დარეგულირებას გეგმავს