ისრაელში საპროტესტო აქციის მონაწილეები პრემიერ მინისტრის გადადგომას ითხოვენ
![](https://exclusivetv.ge/uploads/files/2023/03/27/20650/aqtsia_w_h.jpeg)
უკვე რამდენიმე თვეა ისრაელში, კერძოდ კი, თელ-ავივში მასშტაბური საპროტესტო აქციები მიმდინარეობს.
ისრაელში მცხოვრები ჟურნალისტი, მალხაზ ბასილაია ამ წუთებში დედაქალაქში მიმდინარე აქციაზე იმყოფება. როგორც ის ჩვენთან საუბრისას აღნიშნავს, აქციის მონაწილეების თქმით, ისრაელი დემოკრატიული ქვეყანაა და მოქალაქეები მხარს უჭერენ დემოკრატიულ პრინციპებს. მომიტინგეების პოზიციის თანახმად, მათ არ სჭირდებათ კონსტიტუცია, რომელიც ქვეყნის პრემიერზე იქნება მორგებული.
"კონსტიტუცია, რომელიც არასდროს არ ჰქონია ისრაელს, მოქმედ პრემიერს, ბენიამინ ნეთანიაჰუს სურს რომ მიიღოს. ისრაელში მოქალაქეები თავდაპირველად მის წინააღმდეგ საპროტესტო აქციებს მართავდნენ, რის შემდეგაც პრემიერმა შეაჩერა კონსტიტუციის დამტკიცების პროცესი, თუმცა, მას პარლამენტში მხარდამჭერებიც ჰყავს და მოწინააღმდეგეებიც, ამიტომ უცნობია რა შედეგი ექნება საპროტესტო გამოსვლებს. ხალხი ქუჩაში გამოვიდა, რადგან ფიქრობენ, რომ კონსტიტუციის მიღებით ბენიამინ ნეთანიაჰუს სურს ქვეყანაში დიქტატურის დამყარება”, - ამბობს ExclusiveTV-სთან თელ-ავივში აქციაზე მყოფი ემიგრანტი, ჟურნალისტი მალხაზ ბასილაია.
ასევე, ცნობილია, რომ პროტესტი ისრაელის პრემიერის, ბენიამინ ნეთანიაჰუს მიერ, თავდაცვის მინისტრ, იოავ გალანტის თანამდებობიდან გათავისუფლებას მოჰყვა, რომელიც, თავის დროზე ნეთანიაჰუს საყრდენად ითვლებოდა. ქვეყანაში მიმდინარე დაძაბულობის შესაბამისად, შესაძლოა, თავად, ბენიამინ ნეთანიაჰუს გადადგომის საკითხიც დადგეს დღის წესრიგში, რადგან მომიტინგეები მის გადადგომასა და რიგგარეშე არჩევნების ჩატარებას ითხოვენ.
გარდა ამისა, აქციის მონაწილეები პროტესტის ერთ-ერთ მიზეზად სოციალურ საკითხებსაც ასახელებენ, კერძოდ კი, სკოლის გაფიცული მასწავლებლების რაოდენობის ყოველდღიურ ზრდას. როგორც ირკვევა, პედაგოგები უკვე წელიწადზე მეტია სახელფასო ანაზღაურების მომატებას ითხოვენ, თუმცა, არაერთი დაპირების მიუხედავად, მათი ხელფასები არ გაზრდილა.
ჩვენი ინფორმაციით, ისრაელში მოქალაქეები საპროტესტო გამოსვლების შეწყვეტას არ აპირებენ, მათი მთავარი მოთხოვნაა ისრაელის პრემიერ მინისტრი, ბენიამინ ნეთანიაჰუ თანამდებობიდან გადადგეს. მომიტინგეები მათი მოთხოვნის ძირითად მიზეზად კი იმ კონსტიტუციის მიღების მცდელობას ასახელებენ, რომელიც ნეთანიაჰუს საკუთარი პოზიციების გასამყარებლად და ქვეყანაში დიქტატურის დასამყარებლად სურს.
შეგახსენებთ, რომ ისრაელში საპროტესტო აქციები თავდაცვის მინისტრის, იოავ გალანტის თანამდებობიდან გათავისუფლებას მოჰყვა. როგორც ცნობილია, წუხელ, ისრაელის სხვადასხვა ქალაქის ქუჩებში გამოვიდა ათეულობით ათასი ადამიანი.
თელ-ავივში დემონსტრანტებმა ცენტრალური ავტომაგისტრალი გადაკეტეს. იერუსალიმში, პრემიერ-მინისტრ ბენიამინ ნეთანიაჰუს სახლთან მიმდინარე აქციის მონაწილეებმა მცირე ხნით შეძლეს უსაფრთხოების ძალების კორდონის გარღვევა. პოლიციამ დემონსტრანტების დასაშლელად წყლის ჭავლი გამოიყენა.
26 მარტს, პრემიერ-მინისტრმა ნეთანიაჰუმ თავდაცვის მინისტრი, იოავ გალანტი თანამდებობიდან გაათავისუფლა, რომელმაც 25 მარტს მთავრობას მოუწოდა, შეეჩერებინა სასამართლო რეფორმის განხორციელება, რადგან ის ქვეყნის უსაფრთხოებას შეუქმნიდა საფრთხეს.
მზეკო ჟვანია
1722017976
საზოგადოება„საუკეთესო საზაფხულო სიმღერების პოპური“ - თიკა ფაცაციას და აჩიკო სოლოღაშვილის სიმღერა, რომელიც სოცქსელს იპყრობს
მსახიობებმა და ტელეწამყვანებმა, აჩიკო სოლოღაშვილმა და თიკა ფაცაციამ გადაცემაში „დილა მშვიდობისა საქართველო“ სიმღერების საოცარი შესრულება მაყურებელს გაუზიარეს. ვიდეომ სოციალურ ქსელში საზოგადოების თბილი...
1722014786
მსოფლიორუსეთში ხანძარს 2 წლის ბავშვი ემსხვერპლა
რუსეთში, ულიანოვსკის ოლქში გაჩენილ ხანძარს 2 წლის ბავშვის სიცოცხლე ემსხვერპლა, სამი ზრდასრული კი დაშავდა. ამის შესახებ ინფორმაციას რუსული მედია საგანგებო სიტუაციების და კატასტროფების მართვის სამინისტრ...
1722012296
საინტერესო ამბებიმეუფე შიომ საპატრიარქო რეზიდენციაში პროექტში „საზღვრებს მიღმა“ მონაწილე მოზარდები მიიღო
საპატრიარქო ტახტის მოსაყდრემ, სენაკისა და ჩხოროწყუს მიტროპოლიტმა შიომ (მუჯირი) საპატრიარქო რეზიდენციაში პროექტის „საზღვრებს მიღმა“ მონაწილე მოზარდები მიიღო. საპატრიარქოს ინფორმაციით, პროექტში მონაწილ...
1722008200
ჰოროსკოპი„ავიღებთ ფურცელს, რომელსაც თავზე დავაწერთ სამ რვიანს და ვწერთ რვა ნებისმიერ სურვილს“ - როგორი აგვისტო გველოდება?რჩევები ანზორ ოდიშარიასგან
ეზოტერიკოსი ანზორ ოდიშარია გადაცემაში „დილა მშვიდობისა საქართველო“ სტუმრად იმყოფებოდა, სადაც აგვისტოს ასტროლოგიურ პროგნოზზე ისაუბრა. მისი თქმით, „აგვისტო წელს ძალიან უცნაური და საინტერესო თვე აღმოჩნდა...
1722006834
საზოგადოებაცესკოს თავმჯდომარემ საქართველოს დამსაქმებელთა ასოციაციასა და მის წევრებს საარჩევნო სიახლეები გააცნო
ცენტრალური საარჩევნო კომისიის თავმჯდომარემ გიორგი კალანდარიშვილმა საქართველოს დამსაქმებელთა ასოციაციასა და წევრი ბიზნესორგანიზაციების წარმომადგენლებს საარჩევნო სიახლეები და ელექტრონულ ტექნოლოგიები გაა...