მაკრონმა ტრამპთან და ირანის პრეზიდენტთან ახლო აღმოსავლეთში არსებულ კონფლიქტზე ისაუბრა

საფრანგეთის პრეზიდენტმა ემანუელ მაკრონმა განაცხადა, რომ მან ახლო აღმოსავლეთში არსებულ ვითარებაზე თავის ამერიკელ და ირანელ კოლეგებთან, დონალდ ტრამპთან და მასუდ პეზეშკიანთან ისაუბრა. ამის შესახებ მან სოციალურ ქსელ X-ზე განაცხადა.

მაკრონის თქმით, პრეზიდენტებთან მისი საუბარი 13 აპრილს შედგა. საუბრის დროს საფრანგეთის ლიდერმა მხარეებს ისლამაბადში შეჩერებული მოლაპარაკებების განახლებისკენ, ასევე, გაუგებრობების გარკვევისა და კონფლიქტის შემდგომი ესკალაციის თავიდან აცილებისკენ მოუწოდა.

„განსაკუთრებით მნიშვნელოვანია, რომ ცეცხლის შეწყვეტის შეთანხმება ყველა მხარემ მკაცრად დაიცვას და ის ლიბანზეც გავრცელდეს. ასევე, მნიშვნელოვანია, რომ ჰორმუზის სრუტე რაც შეიძლება სწრაფად, უპირობოდ, შემოწმებისა და გადასახადების გარეშე გაიხსნას“, - ხაზგასმით აღნიშნა მაკრონმა.

ამასთან, მისივე თქმით, საფრანგეთი და დიდი ბრიტანეთი ამ საკითხთან დაკავშირებით პარიზში პარასკევს, 17 აპრილს, კონფერენციას გამართავენ.

Je me suis entretenu hier avec le Président iranien Massoud Pezeshkian, ainsi qu'avec le Président américain Donald Trump.

J’ai appelé à reprendre les négociations interrompues à Islamabad, à clarifier les malentendus, et éviter de nouvelles phases d'escalade.…

— Emmanuel Macron (@EmmanuelMacron) April 14, 2026