"საუბრობს შვიდ ენაზე და ტანსაცმლის შექმნის გარდა, დემნას ყველაზე მეტად საჭმლის კეთება უყვარს" - The New Yorker-ის ახალი სტატია დემნა გვასალიაზე

The New Yorker-ის ახალი სტატია დემნა გვასალიაზე:

“ლუქს მოდის ბნელი მბრძანებელი 41 წლის ვეგეტარიანელია.

იგი საუბრობს შვიდ ენაზე და დილას მედიტაციით იწყებს.

ტანსაცმლის შექმნის გარდა, დემნას ყველაზე მეტად საჭმლის კეთება უყვარს.

მისი სპეციალობა მცენარეული საქონლის ხორცით დამზადებული ხინკალია.

დემნამ ჩვენი შეხვედრის ადგილად Fraumünster შეარჩია, ეკლესია იმ ბაღიდან, სადაც ის და ლოიკი დაქორწინდნენ, 2017 წელს.

„ჰოგვორტსს ჰგავს, არა?“ თქვა დემნამ.

წყვილმა შაბათ-კვირა Netflix-ის ტრილერის, “Alice in Borderland”-ის ყურებაში გაატარა.

ისინი ახლა ჟენევის მახლობლად ფრანგულენოვან სოფელში გადასასვლელად ემზადებიან.

დემნას სულ ახლახან ჰქონდა შეხვედრა საბუთების მოსაგვარებლად, როდესაც თანამდებობის პირმა [ციურიხიდან] გადასვლის მიზეზი ჰკითხა.

”შვეიცარიული გერმანული კარგად არ ვიცი,“ ამბობს დემნა, ‘’ამიტომ ცოტა უხერხული იყო, ისე კი, რეალურად, [ენა] ერთ-ერთი მიზეზი იყო, ამიტომ ასე ვუპასუხე: „დიახ, იცით, ეს არის ერთ-ერთი მიზეზი:

იმიტომ, რომ არც ახლა მესმის რას ამბობთ.“ ციურიხის სავაჭრო უბანი რომ დავათვალიერეთ, დემნამ მითხრა:

„ვფიქრობ, ციურიხში ადამიანები განსაკუთრებით ცუდად არიან ჩაცმულნი. არ ვიცი ეს რა არის, გაოცებული ვარ.“