„შემაძრწუნებელი ამბავი“ - აშშ-ის ელჩი უკრაინაში რუსეთის სარაკეტო იერიშს ეხმაურება

აშშ-ის ელჩი უკრაინაში ბრიჯიტ ბრინკი უკრაინაზე რუსეთის მიერ განხორციელებულ სარაკეტო იერიშს გამოეხმაურა, რასაც, ბოლო მონაცემებით, 11 ადამიანი ემსხვერპლა.

როგორც ელჩმა აღნიშნა, „მშვიდობიანი მოსახლეობა ამ ომის ტვირთის ტარებას აგრძელებს“.

„შემაძრწუნებელი ამბავი ღამით უკრაინის რამდენიმე რეგიონში მომხდარი თავდასხმების შესახებ, რის შედეგადაც სულ მცირე 11 ადამიანი დაიღუპა და 40 დაშავდა. კერძოდ, დობროპილიაში მაშველთა პირველ ტალღაზე ორმაგი დარტყმა განხორციელდა. სამაშველო სამუშაოები გრძელდება. მშვიდობიანი მოსახლეობა აგრძელებს ამ ომის ტვირთის ტარებას“, - წერს ბრიჯიტ ბრინკი X-ზე.

Horrified to see that overnight attacks struck multiple parts of Ukraine - killing 11 and injuring 40 - including a double tap hitting first responders in Dobropillia. Recovery efforts are still underway. Civilians continue to bear the cost of this war. pic.twitter.com/3pOllPSC3K

— Ambassador Bridget A. Brink (@USAmbKyiv) March 8, 2025

ინფორმაციისთვის, რუსეთმა ბალისტიკური რაკეტებით შეუტია დონეცკის ოლქის ქალაქ დობროპილიას. ბოლო მონაცემებით, დაღუპულია 11 ადამიანი, ხოლო დაშავებულთა რაოდენობა 47-მდე გაიზარდა. დაშავებულებს შორის 7 ბავშვია.