ადვოკატი: მიხეილ სააკაშვილს ორი მთავარი მოთხოვნა აქვს

საქართველოს მესამე პრეზიდენტ მიხეილ სააკაშვილს დღეს ადვოკატები ხვდებიან.

მისი ადვოკატების ინფორმაციით, ექსპრეზიდენტს ორი მთავარი მოთხოვნა აქვს: კომუნიკაციის აღდგენის შესაძლებლობა და მასთან დამოუკიდებელი ექიმების ჯგუფის შესვლა.

ადვოკატების ცნობით, აღნიშნული მოთხოვნების 6 იანვრამდე დაუკმაყოფილებლობის შემთხვევაში მიხეილ სააკაშვილი აპირებს მიმართოს პროტესტის უკიდურეს ფორმას.

"ვერ გვატანს ვერაფერს, წერილებით ვერ ვკომუნიკაციობთ.

გვაქვს მხოლოდ იმის საშუალება, რომ გასვლის წინ მაგიდაზე რაღაც დაგვიტოვოს, რაც ბუნებრივია, კომუნიკაციას ვერ უზრუნველყოფს.

ამ მოთხოვნების დაუკმაყოფილების შემთხვევაში, მივიღებთ 2 შედეგს:

პირველი გახლავთ ის, რომ მიხეილ სააკაშვილის ჯანმრთელობის მდგომარეობა შეუქცევადად გაუარესდება და შეიძლება მისი სიკვდილიც კი გამოიწვიოს და მეორე თუ 6 იანვრამდე ეს პრობლემები არ იქნება მოგვარებული და პენიტენციური სამსახური გადაწყვეტს, რომ კანონის სრული იგნორირებით გააგრძელოს პოლიტიკური პატიმრის უფლებების შელახვა, ამ შემთხვევაში მიმართავს პროტესტის უკიდურეს ფორმებს.

შემიძლია გითხრათ, რომ უკიდურესი ფორმა იქნება გამოყენებული, თუმცა რა ფორმა ვერ დავაზუსტებ", - აცხადებს შოთა თუთბერიძე.

ბექა ბასიალაია ციხეში შესვლამდე ამბობდა, რომ წლევანდელი წელი მიხეილ სააკაშვილის პატიმრობის დასრულების წელი უნდა იყოს.

სხვა სიახლეები:

🔳 "შენ ხომ სვანეთის ერთ-ერთი საუკეთესო ოჯახის საუკეთესო შვილი ხარ, გული მისკდება ეს რა უსამართლობა" - ბიზნესმენი ირაკლი ჭკადუა საწოლში გარდაცვლილი იპოვეს

🔳 შობის წირვა ფლორენციის ქართულ- მართლმადიდებულურ ტაძარში ღამის თევით ჩატარდება

🔳 ქვეყანაში რა გაძვირდა და რა გაიაფდა - საქსტატი ბოლო მონაცემებს აქვეყნებს