ახლა ვეუბნები აქედან, სადაც არ უნდა ვიყო, რამდენი ხანიც არ უნდა ვიყო, სახეს ავახევ - გვარამია ივანიშვილზე

"ახლა ვეუბნები აქედან, სადაც არ უნდა ვიყო, რამდენი ხანიც არ უნდა ვიყო, სახეს ავახევ" - ასე მიმართა "მთავარი არხის" გენერალურმა დირექტორმა, ნიკა გვარამიამ სასამართლოზე სიტყვით გამოსვლის დროს "ქართული ოცნების" დამფუძნებელს, ბიძინა ივანიშვილს.

როგორც ნიკა გვარამიამ აღნიშნა, ჯერ კიდევ პირველი საქმის აღძვრის დროს გადაწყვიტა, რომ "თავს მსხვერპლად შესწირავდა ივანიშვილის ცხოვრების გამწარებას".

"ბიძინა ივანიშვილი მეორეჯერ აკეთებს იმას, რასაც აკეთებს ჩემ წინააღმდეგ. ამ ქვეყანაში შეიძლება ბევრმა არ იცის, შეიძლება ბევრმა იცის, ჩემთვის ძალიან მნიშვნელოვანია კეთილსინდისიერება და წესიერება, შეიძლება ბევრი პრობლემა მაქვს, ბევრი ცუდი თვისება მაქვს, მაგრამ კეთილსინდისიერება და წესიერება ჩემთვის არის ძალიან მნიშვნელოვანი და უკვე მეორეჯერ აღძრა ჩემ წინააღმდეგ საქმე, რომელიც ფინანსურ არაკეთილსინდისიერებას ეხება.

პირველი საქმე, სადაც მე გავმართლდი, 3 თუ 4 დღე ვიყავი წინასწარი დაკავების იზოლატორში, იმ სამ დღეში გადავწყვიტე, რომ ჩემ ცხოვრებას მივუძღვნიდი ბიძინა ივანიშვილის ცხოვრების გამწარებას, გარდა სხვა დანარჩენისა, რაც მერე კიდევ უფრო მეტად გამოჩნდა. იქ იმ სამ დღეში მე გადაწყვიტე, რომ ჩემი თავი მსხვერპლად შემეწირა მისი გამწარებისთვის და ახლა ვეუბნები აქედან, სადაც არ უნდა ვიყო, რამდენი ხანიც არ უნდა ვიყო, სახეს ავახევ. მე მგონი, არ დასჭირდება, ამ თვის ბოლოდან უკვე ისედაც ეგრე იქნება მაგრამ, მეც შევიტან ჩემ წვლილს ამაში, აუცილებლად", - თქვა ნიკა გვარამიამ, რომლის კომენტარსაც „მთავარი არხი ავრცელებს“.

ასევე საინტერესოა:

🔵 „მხსნელად მოსული ბიძინა ივანიშვილის იმიჯის შელახვა - ყველაფერი ეს არამეგობრული დასავლეთის პროექტია - ახლა გაიგეთ?“ - ლალი მოროშკინა

🔵 9 მაისს მოსკოვში თამარ გვერდწითელს არ უმღერია - არის მონტაჟი და თამარის ეს გამოსვლა შარშანდელია - რა ინფორმაცია ვრცელდება თამარ გვერდწითელის ფეისბუკგვერდზე

🔵 „ძალიან ლამაზი გამოდის, ბაღზე შემოხვეული ლამაზი სკოლა“ - რა ინფორმაციას ავრცელებს გიგა მაქარაშვილი