9 მაისს მოსკოვში თამარ გვერდწითელს არ უმღერია - არის მონტაჟი და თამარის ეს გამოსვლა შარშანდელია - რა ინფორმაცია ვრცელდება თამარ გვერდწითელის ფეისბუკგვერდზე

გავრცელდა ინფორმაცია, რომ 9 მაისს მოსკოვში გამარჯვების დღისადმი მიძღვნილ კონცერტზე  თამარ გვერდწითელმა იმღერა.

მომღერლის ფეისბუკგვერდზე წერია, რომ გავრცელებული ინფორმაცია სრული დეზინფორმაციაა.

„სატელევიზიო ვერსია არის დამონტაჟებული და თამარის ეს გამოსვლა არის შარშანდელი 22 ივნისის კონცერტიდან ამოჭრილი და ჩასმული.

საქართველოს დამსახურებული არტისტი თამარ გვერდწითელი თვეზე მეტია სამშობლოში იმყოფება. დღეს თბილისში, საკუთარ სახლში მეგობრული და შემოქმედებითი საღამო გამართა ქართველ მუსიკოსებთან, თავის ბენდის ბიჭებთან ერთად. დავით ჯაფარიძესთან, ირაკლი ყარალაშვილთან  და პაატა ანდრიაძესთან ერთად.“, - წერია თამარ გვერდწითელის ფეისბუკგვერდზე, სადაც მომღერლის ფოტოები და შარშანდელი კონცერტის ლინკიც ვრცელდება.

ცნობისთვის, რუსულმა მედიამ გაავრცელა გრანდიოზული კონცერტის კადრები, რომლის მიხედვითაც ის 9 მაისს, კრასნოგორსკში გაიმართა. ამავე კადრების მიხედვით, ლევ ლეშენკოსთან, ფილიპ კირკოროვთან, ნიკოლაი ბასკოვთან, გრიგორი ლეპსთან, ლარისა დოლინასთან და სხვებთან ერთად, სცენაზე  თამარ გვერდწითელიც გამოჩნდა. შავ კაბაში გამოწყობილმა თამარ გვერდწითელმა ომის თემაზე შექმნილი სიმღერა, სცენაზე რუსი ოფიცრების ფორმაში გამოწყობილი სამხედრო ანსამბლის წევრებთან ერთად შეასრულა.

ასევე საინტერესოა:

🔵 „ძალიან დიდ ტკივილებს განიცდის, მისი კანის 70% ღია ჭრილობაა“ - 8 წლის დათის გადასარჩენად ნახევარი მილიონი დოლარია საჭირო

🔵 პრეზიდენტი მიესალმება და სრულად უჭერს მხარს იუსტიციის სამინისტროს შეთავაზებას, ექსპრეზიდენტის კლინიკაში გადაყვანასთან დაკავშირებით

🔵 სააკაშვილი კლინიკა "ვივა მედში" გამოკვლევებისთვის გადასვლაზე თანხმობას გამოთქვამს და რამდენიმე პირობას ასახელებს