ამ დროისთვის საქართველოში უკრაინის დაახლოებით 14 ათასი მოქალაქე იმყოფება - ანდრეი კასიანოვი

24 თებერვლამდე და მას შემდეგ, რაც უკრაინა-რუსეთის ომი დაიწყო, საქართველოში უკრაინის დაახლოებით 14 ათასი მოქალაქე იმყოფება, - ამის შესახებ საქართველოში უკრაინის დროებითმა რწმუნებულმა, ანდრეი კასიანოვმა პრესკონფერენციაზე განაცხადა.

დიპლომატის თქმით, ამ ეტაპზე დაზუსტებით უცნობია იმ ადამიანების რაოდენობა, რომლებიც საქართველოში ომის შემდეგ ჩამოვიდნენ, რადგან აღნიშნული მონაცემები მუდმივად განახლებადია.

„ის მონაცემები, რომელიც გვქონდა და მუდმივად განახლებადია, 24 თებერვლამდეც იყვნენ ჩამოსულები და ომის მერე, 14 ათასია. საკითხი გვარდება საქართველოს მთავრობასთან და გაეროს ოფისთან, რომ მალევე მოხდეს ამის გადაჭრა, ასევე სხვა პარტნიორებთან და დიპლომატებთან ერთადაც.

რადგან ომი მიმდინარეობს, ზუსტი რიცხვი რაოდენობასთან დაკავშირებით არ არსებობს, რადგან სულ იზრდება იმ ადამიანების მოთხოვნა, რომ მოვიდნენ უსაფრთხო ადგილას. დარწმუნებული ვართ, რომ საქართველოს მთავრობასთან ერთად, ჩვენ ამ საკითხის გადაჭრას შევძლებთ, რადგან ერთობლივად ვმუშაობთ გაეროსთან და ვცდილობთ, რომ ამ ადამიანებს მიეცეთ ოფიციალური შესაძლებლობა აქ ჰყოფნის.

ქართული ოჯახები, რომლებიც გვღებულობენ აქ საქართველოში, უღრმესი მადლობა ასეთი თბილი მიღებისთვის. უკრაინა და საქართველო მოძმე ერია, როგორც სიხარულში, ისე გაჭირვებაში, მაგრამ დარწმუნებული ვარ, გამარჯვება ჩვენი საერთო იქნება“, - განაცხადა ანდრეი კასიანოვმა.

ასევე საინტერესოა:

🔵 საქართველოში ვერ გამოიძებნა ვინმე მდიდარი ადამიანი, რომელსაც სინდისი აწუხებს, თქვენ შეგიძლიათ ხალხი გადაარჩინოთ - დომენიკ მანგო

🔵 თოვლი, ყინვა, ქარბუქი და ნისლი - როგორია უახლოესი დღეების ამინდის პროგნოზი?

🔵 ირაკლი ოქრუაშვილი: „უკრაინაში ორი ქართველი მებრძოლი დაიღუპა“