დავით ჯიჯეიშვილი დედის თანხლებით, პოლიციის განყოფილებაში აღიარებით მივიდა - 20 წლის ახალგაზრდის მკვლელობაში ბრალდებულის ადვოკატი

დავით ჯიჯეიშვილი დედის თანხლებით, პოლიციის განყოფილებაში აღიარებით მივიდა. ეს იმას ნიშნავს, რომ ის მის მიერ ჩადენილ ბრალეულ ქმედებას ათვითცნობიერებს, გულწრფელად ინანიებს მას და უკვე 29 ივლისიდან შესაბამისი სასჯელისთვის ემზადება, - ამის შესახებ ცხვარიჭამიაში, 20 წლის ახალგაზრდის მკვლელობაში ბრალდებულის, დავით ჯიჯეიშვილის ადვოკატმა, გიორგი გვაჯაიამ განაცხადა.

„ამდენად, დღეს იმის ილუზია არ გვქონია, რომ შესაძლებელი იყო სასამართლოს რაიმე სხვა გადაწყვეტილება მიეღო. ჩვენს შორის გირაოს გამოყენების შესაძლებლობის საკითხი არც განხილულა. ის სასამართლოს აუცილებლად დეტალურ ინფორმაციას მისცემს“, - აღნიშნავს ადვოკატი.

სასამართლოს გადაწყვეტილებით, ცხვარიჭამიაში 20 წლის ახალგაზრდის, მირიან კუკავას მკვლელობის საქმეზე დაკავებულ რვავე პირს აღკვეთის ღონისძიების სახით პატიმრობა შეეფარდა. მკვლელობაში ბრალდებული ბრალს ნაწილობრივ აღიარებს.

პროკურატურამ, სოფელ ცხვარიჭამიაში მომხდარი განზრახ მკვლელობის და ხულიგნობის ფაქტზე ერთ პირს, ხოლო გამოძიებისთვის ცრუ ინფორმაციის მიწოდების, დანაშაულის შეუტყობინებლობის და ხულიგნობის ფაქტებზე შვიდ პირს ბრალდება წარუდგინა.

შემთხვევა ცხვარიჭამიაში რამდენიმე დღის წინ მოხდა. არსებული ინფორმაციით, 20 წლის მირიან კუკავა მეგობრის დაბადების დღეზე იმყოფებოდა, სადაც ახალგაზრდებს შორის სიტყვიერი დაპირისპირება ფიზიკურ დაპირისპირებაში გადაიზარდა. ერთ-ერთმა ახალგაზრდამ, სავარაუდოდ, დავით ჯიჯეიშვილმა მირიან კუკავას გულ-მკერდის არეში დანით ჭრილობა მიაყენა, რის შედეგადაც ადგილზე გარდაიცვალა.

ასევე დაგაინტერესებთ:

🔵ღმერ­თო, გა­დაგ­ვირ­ჩი­ნე ჩვე­ნი ბუთ­ქუ­ჩე­ლა. იბ­რძოლე სი­ცო­ცხლის­თვის, გთხოვ - მომღერალი მამუკა ონაშვილი ავარიაში მოყვა

🔵"კოჩანა, ირო კოჩანა, თეს ვაკო გურიშ გოჩამა" - "ქართული ოცნების" საკრებულოს წევრმა ჩხოროწყუდან საკუთარ გამონათქვამს ძეგლი დაუდგა

🔵აქ ვიღაცა ოპერატორს თუ ვიღაცას მოხვდა იმის გამო, რომ ჟურნალისტები გესლიანად ეპყრობოდნენ ხალხს - მეუფე სტეფანე