ირაკლი ბათიაშვილი: „ნაციონალური მოძრაობა“ მოწადინებულია, საქართველო ომში ჩაერთოს, უნდათ სიტუაციის არევა, კრიზისის დაწყება და ხელისუფლების დამხობა

„ნაციონალური მოძრაობა“ მოწადინებულია, საქართველო ომში ჩაერთოს - არა იმიტომ, რომ უკრაინაზე გული შესტკივათ და რუსეთისთვის დამატებითი პრობლემების შექმნა სურთ, არამედ აქ უნდათ სიტუაციის არევა, კრიზისის დაწყება და ხელისუფლების დამხობა, - ამის შესახებ პროფესორმა ირაკლი ბათიაშვილმა გადაცემაში „იმედი LIVE“ განაცხადა.

მისი თქმით, ხალხი, ჩვენი საზოგადოება არ დაუშვებს რევანშს.

„ჩვენ უნდა ვიაზროვნოთ რაციონალურად და განვსაზღვროთ, ნებისმიერი გადადგმული ნაბიჯი, ავანტიურა როგორ შეიძლება შემოუბრუნდეს ქვეყანას. ვხედავთ, რომ საქართველოში გარკვეული ძალები მოწადინებული არიან, საქართველო ომში ჩაერთოს, არა იმიტომ რომ გული შესტკივათ უკრაინაზე, არამედ იმიტომ, რომ თავისი პოლიტიკური მიზნებისთვის გამოიყენონ.

„ნაციონალური მოძრაობა“ მოწადინებულია, საქართველო ომში ჩაერთოს - არა იმიტომ, რომ უკრაინაზე გული შესტკივათ და რუსეთისთვის დამატებითი პრობლემების შექმნა სურთ, არამედ აქ უნდათ სიტუაციის არევა, კრიზისის დაწყება და ხელისუფლების დამხობა. გასაგებია, რომ მათ არჩევნებით ხალხის მხარდაჭერა არ აქვთ და მათი მიზანია, რომ დესტაბილიზაციისა და არეულობის პროვოცირების გზით როგორმე დაამხონ ეს ხელისუფლება.

თავისთავად ცხადია, რომ ხელისუფლება დაიცავს თავის პოზიციებს და არ დაუშვებს ე.წ. რევანშს, მაგრამ ხალხი, ჩვენი საზოგადოება არ დაუშვებს რევანშს. ეს გამორიცხულია. ვიცი, არის ძალიან მნიშვნელოვანი ნაწილი ჩვენი საზოგადოების, რომელიც მობილიზებულია და არ დაუშვებს იმ ბნელეთის უკან მობრუნებას“, - განაცხადა ირაკლი ბათიაშვილმა.

ასევე საინტერესოა:

🔵 „შე­ნის­თა­ნა ახალ­გაზ­რდა, რომ­ელიც მხო­ლოდ სი­კე­თი­თა და სიყ­ვა­რუ­ლით ცხოვ­რობ­და ბე­დის უკუღ­მარ­თო­ბის გამო ტო­ვებს აქა­ურ სამ­ყა­როს“ - გია გაჩეჩილაძის სიძე ტრაგიკულად დაიღუპა

🔵 ღმერთო აცოცხლე, ამრავლე, სიკეთეში და სიხარულში ამყოფე ეს მშრომელი, წესიერი, ალალი გულის ხალხი“ - რა გეგმები აქვს ზურა შევარდნაძეს?

🔵 უკრაინის მოქალაქე რვა თვის ბავშვი, რომელსაც ჯო ენის საუნივერსიტეტო ჰოსპიტალში გულის ოპერაცია გაუკეთდა კლინიკიდან ქართული და უკრაინული დროშებით გააცილეს