ნინო წილოსანის განცხადებით, გვარამიას დაკავება საქართველოს ევროკავშირში გაწევრიანებას ხელს არ შეუშლის

პოლიტიკური პარტია „ქართული ოცნების“ ერთ-ერთ ლიდერს ნინო წილოსანს მიაჩნია, რომ ნიკა გვარამიას დაკავება საქართველოს ევროკავშირში გაწევრიანებას ხელს არ შეუშლის.

„არაერთი საქმე ვიცით, მათ შორის ევროკავშირის თუ დასავლური ქვეყნების შემთხვევაში, როდესაც პოლიტიკასთან ან მედიასთან დაკავშირებული პირები იხდიან სასჯელს, ამიტომ ერთი მეორეს არ უკავშირდება და როდესაც ეს ყველაფერი დაკარგავს თქვენგან მინიჭებულ რაღაც განსაკუთრებულ წონას პოლიტიკასთან ბმის თემაზე, რა თქმა უნდა, კიდევ უფრო ნათლად გახდება ცნობილი, რომ საქართველოს ევროკავშირში გაწევრიანებას ეს ყველაფერი არ შეუშლის“ - თქვა წილოსანმა.

წილოსანის განცხადებით, „ქართულ ოცნებას“ არ აქვს მოლოდინი რომ სალომე ზურაბიშვილი ნიკა გვარამიას შეიწყალებს.

„რიგ შემთხვევაში პრეზიდენტი, შესაძლოა, გარკვეულ მოულოდნელ ნაბიჯებს აკეთებს, ამ შემთხვევაში, რა თქმა უნდა, არ მოველით, რომ ის ადამიანს, რომელიც პირადად პრეზიდენტის ინსტიტუციისა და მის წინააღმდეგ ყველაზე დესტრუქციულ ნაბიჯებს დგამდა, ამ შემთხვევაში მის გადაწყვეტილება რამენაირად შეიძლება იყოს დამხმარე“, - თქვა წილოსანმა.

ცოტა ხნის წინ აშშ საელჩომ საქართველოში საგანგებო განცხადება გაავრცელა და თქვა, რომ როდესაც საქართველოს ევროატლანტიკური ინტეგრაციის გაღრმავების უპრეცედენტო შესაძლებლობა აქვს, სისხლის სამართლებრივი დევნის პოლიტიზირებულად აღქმაც კი ზიანის მომტანია.

ასევე საინტერესოა:

🔵 ირაკლი ოქრუაშვილი მოსამართლე ლაშა ჩხიკვაძეს უმძიმეს ბრალდებას უყენებს - „ავტოავარიაში კაცი რომ მოკალი და საქმე ჩაგიფარცხეს“

🔵 აშშ საელჩო: როდესაც საქართველოს ევროატლანტიკური ინტეგრაციის გაღრმავების უპრეცედენტო შესაძლებლობა აქვს, სისხლის სამართლებრივი დევნის პოლიტიზირებულად აღქმაც კი ზიანის მომტანია

🔵 ერთი ევროს ოფიციალური ღირებულება 3.10 ლარი გახდა, ერთი დოლარის კი - 2.98 ლარი