პაპუაშვილი ზურაბიშვილზე: როდესაც ყველაფერი ჩაივლის, გაგვახსენდება, რომ ასეთი სასაცილო მოვლენა იყო ჩვენს ცხოვრებაში, ვიღაც გამაგრდა თავის ციხესიმაგრეში, თანამედროვე გაგებით საოფისე სივრცეში, დაიდგა დროშა და ამბობს, ვარ პრეზიდენტი

როდესაც ეს ყველაფერი ჩაივლის, შემდეგ გაგვახსენდება, რომ ასეთი სასაცილო მოვლენა იყო ჩვენს ცხოვრებაში, რომ ვიღაც გამაგრდა თავის ციხესიმაგრეში, უკვე თანამედროვე გაგებით საოფისე სივრცეში, დაიდგა დროშა და ამბობს, რომ ვარ პრეზიდენტი, - განუცხადა ჟურნალისტებს საქართველოს პარლამენტის თავმჯდომარე შალვა პაპუაშვილმა ექსპრეზიდენტ სალომე ზურაბიშვილზე საუბრისას.

პაპუაშვილის თქმით, ასეთი შემთხვევები ადრინდელიდან გვახსოვს, როდესაც თვითმარქვია მმართველები იყვნენ.

„სალომე ზურაბიშვილს უნდა, რომ ნურც მოფრინდება, ნურც გაფრინდება. ასეთ ხალხთან გვაქვს საქმე. ასეთ არასერიოზულ ხალხთან გვაქვს საქმე. მეშვიდე წელია, ამბობს, რომ პრეზიდენტი ვარო. გაუვიდა ყველანაირი ვადა და რომელიღაც კომედიური ფილმის პერსონაჟივით მიტაცებული აქვს პრეზიდენტის შტანდარტი, ცალკე ეტყობა შეაკერინა და დადის ამ დროშით, გაიძახის, ვარ პრეზიდენტი. ხომ სასაცილოა. სინამდვილეში ამაზე ხომ უნდა ვიცინოთ. ეს ყველაფერი როდესაც ჩაივლის, შემდეგ გაგვახსენდება, რომ ასეთი სასაცილო მოვლენა იყო ჩვენს ცხოვრებაში, რომ ვიღაც გამაგრდა თავის ციხესიმაგრეში, უკვე თანამედროვე გაგებით საოფისე სივრცეში, დაიდგა დროშა და ამბობს, რომ ვარ პრეზიდენტი. ასეთი შემთხვევები ჩვენ ადრინდელიდან გვახსოვს, როდესაც თვითმარქვია მმართველები იყვნენ ხოლმე“, - აღნიშნა შალვა პაპუაშვილმა.