პოლიციელი, რომლის იარაღიდან გასროლას მომღერალ თიკა მახალდიანის დედის სიცოცხლე ემსხვერპლა, ციხიდან გამოუშვეს

რადიო თავისუფლების ინფორმაციით, პოლიციელი, რომლის გასროლასაც საკუთარ სახლში მყოფი ქალი, მომღერალ თიკა მახალდიანის დედა ემსხვერპლა, თავისუფალია.

შემთხვევა 2020 წლის 19 აპრილს, აღდგომის დღის საღამოს, დაახლოებით 21:00 საათზე მოხდა.

თამარ ანთელავა საცხოვრებელი კორპუსში, მე-7 სართულზე, მოხუც დედასთან ერთად იყო, როცა ტყვია მოხვდა. ამ დროს ქვეყანაში სრული ლოკდაუნი იყო გამოცხადებული. 

როგორც აღმოჩნდა, ის შსს-ის თანამშრომლის, სიმონ გაბრიაძის მიერ უმისამართლოდ ნასროლ ტყვიას ემსხვერპლა. გაბრიაძე მთვრალი აივანზე გავიდა და “ვიკინგის” (Mр-446) ტიპის სამსახურებრივი იარაღით უმისამართოდ 13-ჯერ ისროლა.

ერთ-ერთმა ტყვიამ იმსხვერპლა თამარ ანთელავა.

გაბრიაძე დააკავეს - პროკურატურამ მას თავდაპირველად ბრალი სიცოცხლის მოსპობას გაუფრთხილებლობით წარუდგინა.

მოგვიანებით ბრალდება შეიცვალა და 108-ე, განზრახ მკვლელობის მუხლით გადაკვალიფიცირდა.

სასამართლომ საქმე სწორედ ამ მუხლით განიხილა, გაბრიაძე გაამტყუნა და 2021 წლის იანვარში 8-წლიანი პატიმრობა მიუსაჯა.

რადიო თავისუფლებისთვის ექსკლუზიურად მიწოდებული ინფორმაციით, პოლიციელი სოსო გაბრიაძე დაკავებიდან 15 თვეში, 2021 წლის ივლისში ციხიდან გაათავისუფლეს.

სხვა სიახლეები:

🔳 გამოსავალიც სწორად აქვს წარმოდგენილი - ნიკა მელია პრეზიდენტთან შეხვედრის შემდეგ

🔳 როდიდან ხდება კოვიდ ვაქცინის მესამე დოზა იტალიაში სავალდებულო?!

🔳 კახი, მოდი, გავიხსენოთ ჩვენი წარსული... მთელ თბილისს გადაუარა კახიმ, ჩემს გარდა - ია ფარულავა

🔳 როგორ დასრულდება ეს წელი ზოდიაქოს თითოეული ნიშნისათვის? - 2021 წლის დეკემბრის ჰოროსკოპი