„პრაიმტაიმის“ ინფორმაციით, მამუკა ხაზარაძემ „ტვ პირველის“ არაფორმალური დაფინანსების შემდეგ „ფორმულას“ დაფინანსებაც დაიწყო

მამუკა ხაზარაძემ „ტვ პირველის“ არაფორმალური დაფინანსების შემდეგ, რადიკალური ოპოზიციის პროპაგანდისტული ტელევიზიის, „ფორმულას“ დაფინანსებაც დაიწყო - აღნიშნულის შესახებ ინფორმაციას „პრაიმტაიმი“ ავრცელებს.

„ამავე ტელევიზიაში მომუშავე წყაროს მიერ მოწოდებული ინფორმაციით, პარტია „ლელოს“ ლიდერმა აიღო პასუხისმგებლობა, რომ „ფორმულას“ ყოველ თვე 600 000 ლარით დააფინანსებს.

ჩვენთვის ცნობილი ხდება ისიც, რომ „ფორმულას“ წინაშე აღებულ ვალდებულებებს ხაზარაძე უკვე 2 თვეა წარმატებით ასრულებს. ხაზარაძემ მარტსა და აპრილში „ფორმულას“ ჯამში 1 200 000 ლარი მისცა.

საზოგადოებისთვის ცნობილია, რომ „ფორმულას“ დაფინანსებაზე იქამდე უარი თქვა დავით კეზერაშვილმა, რომელსაც პრეტენზიები ჰქონდა არხის მენეჯმენტთან და მათ თანხების გაფლანგვაში ადანაშაულებდა.

წყაროს ინფორმაციით, ხაზარაძემ „ტვ ფორმულას“ დაფინანსების წინაპირობად ორი მკაცრი პირობა წამოაყენა:

1 - არხისთვის მიცემული ფულის ხარჯვის გასაკონტროლებლად მისივე ნდობით აღჭურვილი პირი ჩაუსვა მენეჯმენტს;

2 - შეიცვლება ტელეკომპანიის პოლიტიკური სარედაქციო პოლიტიკა და ის სრულად გახდება პარტია „ლელოს“ პიარზე მორგებული.

აქვე შეგახსენებთ, რომ ხაზარაძე ასევე აფინანსებს ტელეკომპანია „პირველს“, რომლის სარედაქციო პოლიტიკა ხშირად ხდება სხვა ოპოზიციური პარტიების კრიტიკის ობიექტი, რადგან არხი ძირითადად ხაზარაძის და მისი პარტიის პროპაგანდირებაზეა ორიენტირებული“, - აღნიშნულია გავრცელებუ ინფორმაციაში.