რატომ ამბობენ ადამიანები საქართველოში ვაქცინაზე უარს? - უახლესი კვლევის შედეგები

"არავაქცინირებული მოსახლეობის უმრავლესობას COVID 19-ის აცრის შემდეგ გვერდითი მოვლენების ეშინია", - ეს დასახელდა ერთ-ერთ მთავარ მიზეზად, თუ რატომაც ამბობენ ადამიანები უარს ვაქცინაციაზე.

ამის შესახებ ინფორმაცია, საქართველოს სტატისტიკის ეროვნული სამსახურისა და გაეროს ბავშვთა ფონდის („იუნისეფი") ერთობლივ კვლევაშია აღნიშნული.

მიმდინარე წლის ოქტომბერში ჩატარებული კვლევის მსვლელობისას 1.996 ადამიანი გამოიკითხა, აქედან:

1.033 სოფლის მცხოვრები -  963 კი ქალაქის.

კითხვაზე თუ რატომ აჭიანურებენ ვაქცინაციას ან რატომ არიან ამის კატეგორიული წინააღმდეგი ადამიანები, გამოკითხვის მონაწილეებმა შემდეგი მიზეზები დაასახელეს:

✅ რესპონდენტების 35,8% ვაქცინაციისგან თავს იკავებს - რადგან არ ენდობა უმოკლეს დროში შემუშავებულ და არასაკმარისად გამოცდილ პრეპარატებს.

✅ გამოკითხულთა 32,1%-ისთვის - მიზეზი ჯანმრთელობასთან დაკავშირებული პრობლემებია.

✅ კვლევაში მონაწილე 13,9% - არ ენდობა ვაქცინის კონკრეტულ მარკებს.

✅ 12,4% მიიჩნევს - რომ ვაქცინა სიკვდილს ან უნაყოფობას იწვევს.

✅ გამოკითხულთა 8,6%-ისთვის მიზეზი - ზოგიერთ მედიკამენტზე ალერგიაა

✅ 7,9%-ს  - კორონავირუსის გადატანის შემდეგ, საკუთარი იმუნიტეტის იმედი აქვს.

ამას გარდა, გამოკითხულთა მცირე ნაწილი (4,6%) მიიჩნევს, რომ კორონავირუსის საფრთხე გაზვიადებულია.

✅ 2,6% დარწმუნებულია - რომ ვაქცინას მოსახლეობაზე ცდიან.

✅ 0,1%-ისთვის - ვაქცინაცია მათ რელიგიურ შეხედულებებს ეწინააღმდეგება.

ეპიდემიოლოგები მიიჩნევენ, რომ კორონავირუსის პანდემიის შეჩერება მხოლოდ მოსახლეობის მასობრივ იმუნიზაციას შეუძლია, მაგრამ ქვეყანაში აცრის ტემპი ძალიან დაბალია.

ბოლო მონაცემებით, ამ დროისთვის სრული ვაქცინაცია მოზრდილი მოსახლეობის 35,24%-ს აქვს ჩატარებული.

ასევე დაგაინტერესებთ:

🔲 თენგიზ ცერცვაძე: ინფიცირებიდან 8-10 დღის განმავლობაში თუ მოგვმართავენ, დღეს გვაქვს ისეთი მედიკამენტები, რომ მათი უმრავლესობა დაავადების დამძიმებას თავიდან აიცილებს

🔲 დაკავებულია ექიმი, რომელიც არავაქცინირებულ პირებს დაავადებათა კონტროლის ცენტრის ვებგვერდზე უკანონოდ არეგისტრირებდა და აცრილებად აღრიცხავდა