სალომე ზურაბიშვილი: არავის არ უნდა, სიძულვილისა და ბოღმის ქვეყანაში იცხოვროს - ვგრძნობ ჩემს პირად პასუხისმგებლობას

"ჩვენ გვავიწყდება გარე მსოფლიო, ვართ რაღაცნაირად მიბჯენილი, შიგნიდან ვუყურებთ ყველაფერს და გარეთ ჩვენს ირგვლივ, ძალიან ახლოს, რა ხდება, როგორ ხდება, რა საფრთხეები, რა შესაძლებლობები, ეს გვავიწყდება. დროა, ახალგაზრდებისთვის", - ამის შესახებ ორბელიანების სასახლეში საქართველოს პრეზიდენტმა სალომე ზურაბიშვილმა განაცხადა, სადაც იგი პოლიტიკური პარტიების წარმომადგენლებისათვის წინასაახალწლო მიღებას მართავს.

პრეზიდენტმა სიტყვით გამოსვლისას აღნიშნა, რომ ქვეყანაში მძიმე მდგომარეობაა, რასაც ემატება კოვიდი, სოციალური პრობლემები.

"ჩვენ მივხედოთ იმ მთავარ საკითხებს, რომელიც არის ნებისმიერი ქვეყნისთვის მთავარი საკითხი, შიდა განვითარება, ამ სიღარიბის დაძლევა, საზოგადოების გაერთიანება, ყველაფერი დაყოფილია, თუნდაც ეკლესიაც დაყოფილია.

სადამდე შეიძლება ეს გაგრძელდეს და სადამდე მიგვიყვანს ეს.

ამ დროს იმასაც ვამჩნევთ, რომ ჩვენ გვავიწყდება გარე მსოფლიო, ვართ რაღაცნაირად მიბჯენილი, შიგნიდან ვუყურებთ ყველაფერს და გარეთ ჩვენს ირგვლივ, ძალიან ახლოს, რა ხდება, როგორ ხდება, რა საფრთხეები, რა შესაძლებლობები, ეს გვავიწყდება.

დროა, ახალგაზრდებისთვის", – განაცხადა სალომე ზურაბიშვილმა.

მისი თქმით, არავის არ უნდა იცხოვროს სიძულვილისა და ბოღმის ქვეყანაში.

"ჩვენ ვხედავთ, ვიცით, თუ არ დავხუჭავთ თვალს, რომ ახალგაზრდები ამ ქვეყნიდან მიდიან.

ერთი სწრაფვა აქვთ, რომ წავიდნენ აქედან, რადგან, თუ ახალგაზრდაა და რაღაც შესაძლებლობებს გრძნობს საკუთარ თავში, არავის არ უნდა, სიძულვილისა და ბოღმის ქვეყანაში იცხოვროს.

ქვეყანაში, სადაც თვითონ ვერ ხედავს, რა არის მისთვის პერსპექტივა და ეს არის ჩვენი პასუხისმგებლობა.

მეც ვგრძნობ ჩემს პირად პასუხისმგებლობას მათ მიმართ", – განაცხადა საქართველოს პრეზიდენტმა.

ცნობისთვის, მიღებას პოლიტიკური პარტიების ნაწილი ესწრება.

სხვა სიახლეები:

🔲 პრეზიდენტი: ვალდებულად ვთვლი, რომ შერიგების პროცესი დავიწყო