„უკრაინა ჩემი მეორე სამშობლოა. ყველაფერი, რითაც შეიძლება მხარში ამოვუდგეთ ამ ადამიანებს“ - დავით სერგეენკო

„პირველი ვიყავი მე, ვინც 2014 წელს უკრაინაში  ჩავედი, ახლაც უნდა შეფასდეს პოლიტიკური მიზანშეწონილობა“ - ამის შესახებ ამის შესახებ საქართველოს პარლამენტის ვიცე - სპიკერმა დავით სერგეენკომ განაცხადა, რითაც გამოეხმაურა უკრაინის პრეზიდენტის მოწოდებას, რომ მეგობარი სახელმწიფოების ლიდერები კიევში უნდა ჩავიდნენ.

სერგეენკო ამბობს, რომ საქართველო გამოხატავს სოლიდარობას როგორც შეუძლია.

„უკრაინაში მიმდინარე ომმა და იმ დიდმა ტრაგედიამ, რაც ახლა ხდება, წარმოუდგენელია ნორმალური ქვეყანა და ნორმალური ადამიანი გულგრილი დატოვოს და სოლიდარობის ნებისმიერი გამოხატულება მართლაც მნიშვნელოვანია ამ ადამიანებისთვის, ჩვენც გამოვხატავთ იმით, რაც ამ ეტაპზე შეგვიძლია. პირადად მე დაკავებული ვარ იმით, რომ ვაკეთებ ჰუმანიტარული დახმარების ორგანიზებას.

რაც შეეხება სახელმწიფო ვიზიტებს, ამის მიზანშეწონილობაზე და გეგმებზე შესაბამისი ადამიანები გააკეთებენ კომენტარს. მე როცა შემეძლო კონკრეტული ნაბიჯების გადადგმა 2014 წელს, როცა ვიყავი ჯანდაცვის მინისტრი საქართველოს დელეგაცია პირველი იყო და პირველი ვიყავი მე, ვინც ჩავედი უკრაინაში, ახლაც უნდა შეფასდეს პოლიტიკური მიზანშეწონილობა და ვფიქრობ, ამით არის დაკავებული მთავრობა და პარტიული ლიდერშიფიც.

რაც შეეხება ჩემს პოზიციას, მე ვერ ვიქნები პრაგმატული და რაციონალური ამასთან მიმართებაში, რადგან ემოციები მძალავს ყოველთვის, რადგან უკრაინა ჩემი მეორე სამშობლოა. ყველაფერი, რითაც შეიძლება მხარში ამოვუდგეთ ამ ადამიანებს, უნდა შესრულდეს,"- განაცხადა დავით სერგეენკომ.

ასევე საინტერესოა:

🔵 იწყება ნამდვილი, პოლიტიკური დიდი ომები - ლელა კაკულია

🔵 არ იქნებოდა სწორი, მე თბილისში დავრჩენილიყავი - გიორგი ღოღობერიძე უკრაინაში მიდის

🔵  ბოლო 24 საათში უკრაინიდან საქართველოში დაბრუნდა ასზე მეტი საქართველოს მოქალაქე