თამარ ბურდული ბარსელონას უნივერსიტეტის ოფიციალური წარმომადგენელი გახდა, ის უცხოელ სტუდენტებს დაეხმარება

"ძალიან მიხარია, რომ ჩემი სწავლა-განათლების შემდეგ, მაინც მეძლევა საშუალება გავაგრძელო ურთიერთობა ამ აკადემიურ ინსტიტუციასთან განათლების სფეროში," - თამარ ბურდული, რომელიც 10 წელია ესპანეთში ცხოვრობს, ბარსელონას უნივერსიტეტის ოფიციალური წარმომადგენელი გახდა

"ხანგრძლივი თანამშრომლობის შემდეგ, დღეს, უკვე ოფიციალურად გავხდი ჩემი უნივერსიტეტის ოფიციალური წარმომადგენელი ერთი წლის ვადით.
სასწაული ისაა რომ უამრავ კანდიდატთა შორის ამირჩიეს მე ,,ვიღაც უცხოელი”.

ძალიან მიხარია, რომ ჩემი სწავლა-განათლების შემდეგ, მაინც მეძლევა საშუალება გავაგრძელო ურთიერთობა ამ აკადემიურ ინსტიტუციასთან განათლების სფეროში. ეს ჩემთვის ძალიან დიდი პასუხისმგებლობაა.

ჩემი მოვალეობები იქნება: 
ესპანეთის სამეფოში უცხოელი სტუდენტებისთვის კონსულტაციების გაწევა, ადმინისტრაციული საკითხების მოგვარებაში დახმარება, სწავლის საფუძველზე ესპანეთში ბინადრობის მოპოვებაში დახმარება, ესპანეთში სასწავლო და საგამოცდო სისტემის გაცნობა მათთვის და სასწავლო კურსის პერიოდში ორიენტირებაში და სწავლის მიმართულებაში მეგზურობა, დიპლომების ლეგალიზება-ჰომოლოგაციაში დახმარება.

(სულ დამავიწყდა, ამასობაში ადმინისტრაციული საკითხები და მენეჯმენტიც ვისწავლე და სერტიფიცირებული ვარ)

მადლობელი ვარ ყველა იმ ადამიანის, ვინც სტიმულს მაძლევს და გვერდში მიდგას.

მადლობას ვუხდი იმ ცუდ ადამიანებსაც რომლებიც სტიმულს მაძლევენ მათნაირი არ ვიყო," - წერს თამარ ბურდული.