„ვტიროდი, იტალიელი ქალბატონი მაკვირდებოდა - უკრაინელი ხარ?! - არა ქართველი! საოცარი ერი ხართ ეს ქართველებიო“ - ემიგრანტის წერილი

ორი დღეა, რაც მსოფლიო ახალ რეალობაში, ყველაზე ცუდის სცენარის განვითარების მოლოდინში ცხოვრობს. ცივილიზებული სამყარო ომზე ალაპარაკდა, ომზე, რომელშიც გამარჯვებული არასდროს არცერთი მხარე არ არის. 

იტალია, დანარჩენი ქვეყნების მსგავსად ნეიტრალურ პოზიციებს ირჩევს და მხოლოდ სანქციებით შემოიფარგლება. მსოფლიოს ლიდერების გადაწყვეტილებების მიღმა, რომლებმაც დუმილი არჩიეს, მილიონობით ადამიანი განიცდის და გლოვობს დაღვრილ სისხლს.

ჩვენს, მკითხველს ემიგრაციაში მყოფი რიგითი ქართველის, ქეთი რევიშვილის წერილს ვთავაზობთ, რომელიც ფიქრობს, რომ გამოსავალი ადამიანთა ერთობაშია.   

“მეტროში დავჯექი თუ არა გავხსენი ახალი ამბებისთვის ტელეფონი და საშინელება ვიდეოებს გადავაწყდი მაშინვე, თუ როგორ ბომბავს უკრაინას პუტინი... ვინც მიცნობს იცის,რომ მე და ტირილი ძალიან შორს ვართ ერთმანეთისგან, მაგრამ გაივსო თვალები ცრემლებით... 

იტალიელი ქალბატონი მაკვირდებოდა ალბათ, მოვიდა და ხელსახოცი მომაწოდა კითხვით:
- უკრაინელი ხარ?!...
- ქართველი!...
საოცარი ერი ხართ ეს ქართველებიო, - მითხრა და მომეფერა... 

კითხვითვე მივუბრუნდი :
- იცნობთ ქართველებს?!...
- შვილის ძიძა მყავს ქართველი და დილიდან ცრემლიანი თვალებით შემოაღო კარი, ძალიან განიცდიდა უკრაინის ამბავსო...

ჩაერთვნენ დანარჩენი მგზავრებიც,ბევრმა იტალიელმა გამოთქვა მწუხარება, პუტინის არაადამიანობაზე. ერთმა მამაკაცმა კი თქვა :
- ახლა თუ ევროპა უკან დაიხევს და შეშინდება, ხვალ პუტინი იტალიასაც მოითხოვს, საფრანგეთსაც, გერმანიასაც და მთელ დედამიწასაც დაიპყრობსო!...

ძალიან იმედიანი ჩამოვედი მატარებლიდან, არ მეგონა ასე ბევრი თუ იყო უკვე რუსეთის სითავხედით გადაღლილი... მაგრამ ნეტა ვინ რას გახდება იმ სატანასთან?!... 

უფალო შენ დაიფარე მთელი სამყარო და გვაშორე განსაცდელი... მშვიდობა და ჯანმრთელობა გვქონოდეს მთელ დედამიწას ადამიანებო, ყველაზე მთავარი ესაა, ფული ხან გვექნება ხან არა...
მაგრამ თუ მშვიდობა და ჯანმრთელობა არ გვექნა, ფულითაც ვერაფერს გავხდებით!...
უფალი გვფარავდეს ყველას განურჩევლად ეროვნებისა...“ - წერს ემიგრანტი.

სხვა სიახლეები:

📌 Exclusivetv.ge-ს ჟურნალისტის, ნინა მამუკაძის კითხვა ტოსკანას პრეზიდენტს უკრაინაში განვითარებულ მოვლენებთან დაკავშირებით (ვიდეო)

📌 რუსეთის ტანკების შესაჩერებლად უკრაინელები ხიდებს აფეთქებენ

📌 უკრაინაში, უსაფრთხოების მიზნით ინკუბატორებში მყოფი ჩვილები სამშობიაროს სარდაფში შექმნილ თავშესაფარში გადაიყვანეს