არალეგალი ემიგრანტების ძირითადი უფლებები საბერძნეთში და ევროკავშირის წევრ სხვა ქვეყნებში

საბერძნეთი ისევე როგორც ევროკავშირის წევრი სხვა ქვეყნები ვალდებულია დაიცვას და უზრუნველყოს არალეგალი ემიგრანტების უფლებათა პატივისცემა. 

ადამიანის უფლებათა საერთაშორისო და ევროპული სამართალი  ევროკავშირის წევრ ყველა ქვეყნებს  ავალდებულებს, უზრუნველყონ, მათ ტერიტორიაზე მყოფი ნებისმიერი პირის, მათ შორის არალეგალი ემიგრანტების ადამიანის უფლებათა პატივისცემა. 

ტერმინი - "არალეგალურად მცხოვრები ემიგრანტი" გულისხმობს იმ პირებს, რომლებიც არ არიან ევროკავშირის წევრი ქვეყნის მოქალაქეები და ამ ქვეყნებში იმყოფებიან  საჭირო ვიზის ან ბინადრობის ნებართვის გარეშე. 

მიუხედავად იმისა, რომ ევროკავშირის წევრ ქვეყნებს არ აქვთ არანაირი ვალდებულება, რომელიც ვრცელდება არალეგალურ ემიგრანტებზე,  მათ უნდა უზრუნველყონ ამ პირების მიმართ ძირითადი ადამიანის უფლებათა პატივისცემა, რომელიც გულისხმობს : 

✅ საჭირო სამედიცინო მომსახურებას, ანუ გადაუდებელი და ძირითადი სამედიცინო დახმარების სერვისებს როგორიც არის ექიმის გასინჯვა და საჭირო მედიკამენტების მიწოდების შესაძლებლობა. 

✅ ორსულთა და ბავშვების სამედიცინო მომსახურებას და აგრეთვე მათთვის განათლების მიღების შესაძლებლობას, ქვეყნის მოქალაქე პირებთან ერთად  და თანაბარ პირობებში. 

✅ მართლმსაჯულების მექანიზმით სარგებლობას, რომელიც მისცემს მათ საშუალებას შეიტანონ საჩივარი და მიიღონ გამართლება. მათ შორის სამსახურში მომხდარი უბედური შემთხვევის შედეგად, საჭირო კომპენსაციის უფლება.

 არალეგალ ემიგრანტებს მათ ყოველდღიურ ცხოვრებაში უწევთ განსაკუთრებული სიფრთხილით იმოქმედონ ვინაიდან ისინი მაღალი საშიშროების რისკის ქვეშ  იმყოფებიან. ძალზე ხშირია შემთხვევები როდესაც ტრეფიკინგის მსხვერპლნი სწორედ არალეგალი ემიგრანტები ხდებიან.

აქვე აღსანიშნავია, რომ არალეგალური ემიგრანტების ზოგიერთი კატეგორია განსაკუთრებით დაუცველია, ძირითადად ქალები, რომლებიც დასაქმებულნი არიან ოჯახის დამხმარედ. მათი სტატუსიდან  გამომდინარე არალეგალი ემიგრანტები ხშირად ხდებიან სამუშაო ადგილას დაჩაგვრის ან სექსუალური ძალადობის მსხვერპლნი.  გარდა ამისა ისინი, ხშირად აწყდებიან იურიდიულ და პრაქტიკულ ბარიერებს ისეთ ძირითად სერვისებზე წვდომის მოპოვების მცდელობის დროს, როგორიც არის  ჯანდაცვა, განათლება და სამართალი.

ასევე საინტერესოა:

🔵საბერძნეთში მკერდის კიბოს პრევენციის ეროვნული პროგრამის ფარგლებში, მილიონზე მეტი ქალი მამოგრაფიას უფასოდ გაიკეთებს

🔵 საბერძნეთში მაიმუნის ჩუტყვავილას პირველი შემთხვევა დაფიქსირდა - ინფიცირებული კაცი პორტუგალიიდან დაბრუნდა

🔵საბერძნეთში მონასტრის წინამძღვარმა 45 წლის კაცი, ცეცხლსასროლი იარაღით დაჭრა