ე.წ. " კატეხაკის საბუთი " ანუ საბერძნეთის ტერიტორიაზე დროებით ლეგალურად ცხოვრების საშუალება

თუ საბერძნეთში ჩამოხვედით არა როგორც ტურისტი და ამ ქვეყანაში ცხოვრების გაგრძელებას აპირებთ, პირველ რიგში, თქვენ ქვეყანაში ლეგალურად ცხოვრების დოკუმენტის მოგვარება უნდა დაიწყოთ, რომელიც არც თუ ისე ადვილი პროცესია.  

ყველაზე მნიშვნელოვანი დოკუმენტი, რაც თქვენივე უსაფრთხოებისთვის არის საჭირო „ამკა“ (სოციალური უსაფრთხოების სარეგისტრაციო ნომერი).

ამისთვის უპირველესად საჭიროა ფლობდეთ ლეგალურად ცხოვრების დოკუმენტს და შემდეგ უკვე მასზე დაყრდნობით გააკეთოთ „ამკა“ და „აფიმი“.  

ჩვენს მკითხველს, შევახსენებ რომ ვცხოვრობ საბერძნეთში და გადავწყვიტე გაგიზიაროთ ჯანდაცვის დაწესებულებასთან კომუნიკაციის დროს მიღებული გამოცდილება.

სამედიცინო დაწესებულებაში მოხვედრისას აღმოვაჩნე, რომ  „ამკა“, საჭირო გამოკვლევების ჩასატარებლად სრულიად საკმარისი აღმოჩნდა, ასევე დიაგნოზის დასასმელად და საჭირო მკურნალობის გასაგრძელებლადაც კი. 

საავადმყოფოში ერთთვიანი მკურნალობის შემდეგ დავტოვე. „ამკა“-მ საავადმყოფოში, ჩემი ყველა სამედიცინო მომსახურება სრულიად დააფინანსა. 

მათ, ვისაც ჯერ არ გაქვთ „ამკა“: 

AMKA ( ამკა ) - არის სოციალური დაზღვევის სარეგისტრაციო ნომერი. 

„ამკა“-ს  ასაღებად საჭიროა, ფლობდეთ საბერძნეთში ბინადრობის უფლების მიმნიჭებელ რაიმე დოკუმენტს, ჩემ შემთხვევაში ასეთი დოკუმენტი  "დელტიო ასილუ" ანუ  ე.წ "კატეხაკის საბუთი" აღმოჩნდა. 

"კატეხაკის საბუთი" - საბერძნეთის კანონმდებლობიდან გამომდინარე, გახლავთ ერთადერთი საბუთი, რომლის აღებაც შედარებით მარტივად არის შესაძლებელი.

მის მისაღებად თქვენ აკეთებთ განცხადებას იმიგრაციისა და თავშესაფრის სამინისტროს საემიგრაციო ოფისში  და საბერძნეთის სახელმწიფოს სთხოვთ თავშესაფარს. რაზედაც მაღალი ალბათობით, საბოლოო ჯამში, შესაძლებელია უარყოფითი პასუხი მოგივიდეთ. პრაქტიკიდან გამომდინარე, საბერძნეთის სახელმწიფო, ამ საბუთის მომთხოვნ საქართველოს მოქალაქეებს  ლტოლვილის სტატუსის მინიჭებაზე ძირითადად უარს ეუბნება, რადგან საქართველო უსაფრთხო ქვეყნად მიიჩნევა, მაგრამ ვინაიდან თქვენი მოთხოვნის განხილვის პროცედურა გარკვეულ დროს მოითხოვს, ამ პერიოდის მანძილზე თქვენ  უკვე გადმოგეცემათ  ე.წ  "კატეხაკის საბუთი", რომელიც სხვადასხვა უფლებებთან ერთად, გაძლევთ „ამკა“-ს აღების  საშუალებასაც.  

ე.წ "კატეხაკის საბუთის" გაკეთება შესაძლებელია დამოუკიდებლად, ყოველგვარი ადვოკატის დახმარების გარეშე. რაც შეეხება „ამკა“-ს დაგჭირდებათ ადვოკატის მომსახურება, რომლის საფასურიც  საშუალოდ 100 ევროს შეადგენს.  

P.S საბერძნეთის მორიგე საავადმყოფოების და აფთიაქების სიის სანახავად გადადით მითითებულ ბმულზე  👉აქ 

ავტორი: ლელა გაბელაია

ასევე საინტერესოა:

🔵 საბერძნეთის სკოლებში უკრაინელი მოსწავლეების მიღება დაიწყო

🔵 საბერძნეთში ზამთარი ბრუნდება - ქარიშხალმა „ფილიპოსმა“ ათენსა და ქვეყნის რამდენიმე სხვა რეგიონში პრობლემები შექმნა

🔵 საბერძნეთში ქართველს, „ოჯახის დამხმარე ქალს“ 8 წლით თავისუფლების აღკვეთა მიესაჯა, მას ბრალად მოხუცის ნარკოტიკული ნივთიერებით გაბრუება და ქურდობა ედება